خوشی ہے کہ اب ہمیں بابر کو بولنگ نہیں کروانی پڑے گی،آسٹریلوی کپتان

ویب ڈیسک

07th Apr, 2022. 12:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خوشی ہے کہ اب ہمیں بابر کو بولنگ نہیں کروانی پڑے گی،آسٹریلوی کپتان

آسٹریلیا کے کپتان ایرون فنچ پاکستان سے سیریز کے اختتام پر ضرور ریلیف محسوس کررہے ہیں۔

گزشتہ روز سیریز کے واحد ٹی ٹوئنٹی میچ میں فتح حاصل کرنے کے بعد ایرون فنچ کے بابر اعظم کے لیے کہے گئے جملے نے شائقین کرکٹ کی توجہ اپنی جانب مبذول کروائی ہوئی ہے۔

ایرون فنچ نے مین آف دی میچ ایوارڈ ملنے کے بعد اپنے تاریخی دورۂ پاکستان پر بات چیت کرتے ہوئے اسے یادگار قرار دیا اور کہا کہ آسٹریلیا کے لیے یہ دورہ بہت اچھا رہا کیونکہ بہت سے باصلاحیت کھلاڑیوں کو موقع ملا۔

اس کے بعد آسٹریلوی کپتان نے ہنستے ہوئے یہ بھی کہا کہ ہمیں اس بات کی بھی خوشی ہے کہ اب کچھ عرصے تک بابر کو بولنگ نہیں کروانی پڑے گی۔

خیال رہے کہ آسٹریلیا نے پاکستان کے خلاف واحد ٹی ٹوئنٹی انٹر نیشنل دلچسپ انداز میں تین وکٹ سے جیت کر پاکستان کے تاریخی دورے کا اختتام متاثر کن انداز میں کیا۔

آسٹریلیا نے ٹیسٹ سیریز ایک صفر سے جیتی ، پاکستان نے ون ڈے سیریز میں دو ایک سے کامیابی حاصل کی۔