سانحہ جامعہ کراچی: سہولت کاروں کےخلاف کارروائیاں ، طالبعلم گرفتار

ویب ڈیسک

30th Apr, 2022. 01:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سانحہ جامعہ کراچی: سہولت کاروں کےخلاف کارروائیاں ، طالبعلم گرفتار

سانحہ جامعہ کراچی میں خودکش دھماکے کی تحقیقات کے سلسلے میں اداروں کی کارروائیاں جاری ہیں۔

اس حوالے سے ذرائع کا کہنا ہے گزشتہ رات تفتیش کاروں کی جانب سے گلشن اقبال کے علاقے میں کارروائی کی گئی جس کے نتیجے میں ایم فل کا طالبعلم حراست میں لے لیا گیا۔

ملزم کے زیر استعمال لیپ ٹاپ اور غیر ملکی لٹریچر تحویل میں لے لیا گیا ہے۔

اس ضمن میں تفتیشی افسران نے ایف آئی اے سائبر کرائم سے رابطہ کیا ہے جس کی بناء پر معلوم ہوا ہے کہ حملے میں ملوث افراد سوشل میڈیا سے رابطہ کرتے تھے جبکہ سماجی رابطوں کی ویب سائٹ سے متعلق مواد بھی ملا ہے ۔

ذرائع نے بتایا کہ حراست میں لیا جانے والا شخص جامعہ کراچی میں لکچرز دیتا تھا۔

خیال رہے کہ اس سے قبل تحقیقات کے دوران خودکش حملہ آور شاری بلوچ کے گھر کو فوری طور پر سیل کردیا گیا تھا۔

علاوہ ازیں تفتیش میں معلوم ہوا تھا کہ شاری بلوچ کے خاوند اس سانحہ میں ایک سہولتکار کا کردار ادا کرتا تھا جو کہ مبینہ طور پر ملک سے فرار ہونے میں کامیاب ہوگیا ہے۔