ڈی جی ایف آئی اے محمد طاہر رائے نےعہدے کا چارج سنبھال لیا ہے۔
تفصیلات کے مطابق ڈی جی ایف آئی اے محمد طاہر رائے نے عہدے کا چارج سنبھالنے کے بعد افسران سے گفتگو کرتے ہوئے کہا ہے کہ ایمانداری سے بہترین حکمت عملی کی پالیسی پرمکمل عملدرآمد کیا جائے گا۔
انہوں نے کہا کہ پبلک سروس ڈیلیوری کو بہتر بنانا ہے، عوام کوعزت دی جائے گی اور ان کا احترام کیا جائے گا، سائبر کرائم کو کنٹرول کرنا پہلی ترجیح ہوگی، کسی کو بھی شہریوں کے وقار کو مجروع کرنے کی اجازت نہیں ہوگی، ایسے ملزمان کے خلاف سخت قانونی کارروائی کی جائے گی۔
محمد طاہر رائے نے کہا کہ جعلی سوشل میڈیا پوسٹ شیئر کرنے والوں کے خلاف سخت ایکشن لیا جائے گا اور ان کو جیل کی سلاخوں کے پیچھے بھیجا جائے گا، انسانی اسمگلنگ کو سختی سے کچلا جائے گا اور بڑے بڑے انسانی اسمگلرز کے خلاف مثالی قانونی ایکشن لیا جائے گا۔
ڈی جی ایف آئی اے نے کہا کہ بڑی مچھلیوں کے خلاف سخت قانونی کارروائی کی جائے گی، عالمی برادری میں پاکستان کے وقار کو بحال کیا جائے گا، تفتیشی افسران اور سینئر افسران کی ٹریننگ کروائی جائے گی۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
