رندھیر کپور بھتیجے کی شادی سے لاعلم، شادی کی خبر سُن کر حیران ہو گئے

ویب ڈیسک

04th Apr, 2022. 06:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رندھیر کپور بھتیجے کی شادی سے لاعلم، شادی کی خبر سُن کر حیران ہو گئے

بالی وُڈ کے معروف اداکار رندھیر کپور اپنے ہی بھتیجے کی شادی سے لاعلم نکلے، رنبیر اور عالیہ کی شادی کی خبر سُن کر حیران ہوگئے۔

رپورٹ کے مطابق بالی ووڈ کے معروف اداکار رندھیر کپور نے اپنے بھتیجے، اداکار رنبیر کپور کی عالیہ بھٹ کے ساتھ شادی کے بارے میں لاعلمی کا اظہار کیا ہے۔

بھارتی میڈیا کے مطابق بھارتی اخبار ہندوستان ٹائمز نے جب رنبیر کپور اور عالیہ بھٹ کی شادی کی تصدیق کرنے کے لیے رنبیر کپور کے انکل، اداکار رندھیر کپورسے رابطہ کیا تو اُنہوں نے رنبیر اور عالیہ کی شادی کے بارے میں لاعلمی کا اظہار کرتے ہوئے حیرانی کا بھی اظہار کیا۔

بھارتی میڈیا کا کہنا ہے کہ رندھیر کپور نے کہا کہ’وہ ابھی ممبئی میں نہیں ہیں اوراُنہوں نے اس شادی کے بارے میں کچھ نہیں سنا ہے‘

اُنہوں نے مزید کہا کہ’اگر اتنی بڑی شادی ہمارے گھر ہو رہی ہوتی تو کوئی نہ کوئی اُنہیں کال کر کےضرور اطلاع دیتا‘۔

واضح رہے کہ کچھ بھارتی میڈیا رپورٹس نے تصدیق کردی ہے کہ رنبیر کپور اور عالیہ بھٹ جن کی شادی کا مداحوں کو کافی عرصے سے بہت بے صبری سے انتظار تھا، بالآخر رواں ماہ ہوگی۔

ذرائع نے یہ دعویٰ بھی کیا ہے کہ رنبیر اور عالیہ کی شادی کی تقریبات بھی ممبئی میں ہی ہوں گی۔