بلاول پاکستان کی خارجہ پالیسی کو نئی شکل دیں گے، ایمل ولی خان

ویب ڈیسک

27th Apr, 2022. 09:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلاول پاکستان کی خارجہ پالیسی کو نئی شکل دیں گے، ایمل ولی خان

ایمل ولی خان نے کہا ہے کہ بھٹو زردرای پاکستان کی خارجہ پالیسی کو نئی شکل دیں گے۔

اپنے ایک بیان میں اے این پی کے صوبائی صدر ایمل ولی خان نے نومنتخب وزیرخارجہ بلاول بھٹو زردرای کو مبارکباد پیش کی ہے۔

ایمل ولی خان نے کہا کہ بلاول بھٹو زرداری کو پاکستان کا کم عمرترین وزیرخارجہ بننے پر مبارکباد پیش کرتے ہیں، ہمیں یقین ہیں کہ وہ پاکستان کی خارجہ پالیسی کو نئی شکل دیں گے

انہوں نے کہا کہ امید ہے بلاول بھٹو زرداری بین الاقوامی تعلقات کے اقدار کو آگے لے کے جائیں گے۔

اے این پی کے صوبائی صدر ایمل ولی خان نے مزید کہا کہ بلاول بھٹو زرداری کے ساتھ ساتھ سابق صدر پاکستان آصف علی زرداری کو بھی مبارکباد پیش کرتے ہیں۔

خیال رہے کہ اس سے قبل ایوان صدر اسلام آباد میں حلف برداری کی تقریب کا انعقاد ہوا جس میں صدر مملکت عارف علوی نے چیئر مین پیپلز پارٹی بلاول بھٹو سے حلف لیا۔

وزیر اعظم شہباز شریف ، سابق صدر آصف علی زرداری سمیت وفاقی کابینہ کے اراکین اور پیپلز پارٹی کے رہنما حلف برداری کی تقریب میں شریک تھے۔

اس کے علاوہ چیئرمین بلاول بھٹو زرداری کی حلف برداری کی تقریب میں شہید محترمہ بے نظیر بھٹو کی بہن محترمہ صنم بھٹو نےخصوصی شرکت کی۔

واضح رہے کہ بلاول بھٹو زرداری پاکستان کے 33 سال کے کم عمر وزیرخارجہ بن گئے ہیں۔