امریکی گلوکارہ، اداکارہ اورپروڈیوسرسلینا گومزکا شمارانسٹا گرام پر کروڑوں فالوورزرکھنے والی شخصیات میں کیا جاتا ہے۔

حال ہی میں دیے گئے ایک انٹرویومیں انہوں نے انکشاف کیا ہے کہ وہ گزشتہ چار سال سے انسٹا گرام استعمال ہی نہیں کررہیں۔ جب کہ انسٹا گرام پران کے مداحوں کی تعداد تیس کروڑسے بھی تجاوزکرچکی ہے۔

امریکی ٹی شو’ گڈ مارننگ امریکا‘ میں گفتگوکرتے ہوئے’ اونلی مڈررزان دی بلڈنگ‘ کی اداکارہ نے یہ کہہ کرمیزبان کوحیرت زدہ کردیا کہ انہیں سوشل میڈیا ایپ استعمال کیے ہوئے چارسال سے زائد عرصہ ہوچکا ہے اورانسٹا گرام سے دوری نے ان کی ذہنی صحت پربہت اچھے نتائج مرتب کیے ہیں۔

سیلینا گومزنے سوشل میڈیا سے دوری کی وجہ بتاتے ہوئے کہا کہ ’ اس سے میری زندگی یکسرتبدیل ہوچکی ہے۔ سوشل میڈیا سے دوررہ کر مجھ پربہت اچھے اثرات مرتب ہوئے، میں بہت خوش ہوں، اب اورزیادہ لوگوں سے رابطے میں رہتی ہوں، مجھے لگتا ہے کہ اب سب کچھ نارمل ہے۔‘

گلوکارہ کا مزید کہنا تھا کہ ’ میں انٹرنیٹ اورسوشل میڈیا کی طاقت کو سمجھتی ہوں، اس سے دنیا میں بہت بہتری آئی ہے، لیکن میرے لیے میری زندگی میں موجود لوگ اس سے زیادہ اہم ہیں۔‘

ایک سال قبل فیشن میگزین Dazed کودیے گئے انٹرویومیں بھی سیلینا گومزنے سوشل میڈیا کے حوالے سے کہا تھا کہ سوشل میڈیا پرمیرے کام اورطرززندگی پربہت زیادہ رائے زنی سے وہ خود کو ’غیرمحفوظ ‘ اور’ تنہا ‘ محسوس کرتی ہوں۔

واضح رہے کہ گلوکارہ ماضی میں ذہنی عارضے بائی پولرڈس آڈرکا شکاربھی رہ چکی ہیں۔