قانون سازی میں حیلے بہانے کیے تو ہمارا ہاتھ اور حکومت کا گریبان ہوگا، سراج الحق

ویب ڈیسک

28th Apr, 2022. 01:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

قانون سازی میں حیلے بہانے کیے تو ہمارا ہاتھ اور حکومت کا گریبان ہوگا، سراج الحق
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

قانون سازی میں حیلے بہانے کیے تو ہمارا ہاتھ اور حکومت کا گریبان ہوگا، سراج الحق

امیر جماعت اسلامی پاکستان سراج الحق نے کہ اہے کہ حکومت کی قانون سازی کے لئے حیلے بہانے کیے تو ہمارا ہاتھ اور حکومت کا گریباں ہوگا۔

امیر جماعت اسلامی پاکستان سراج الحق نے پریس کانفرنس سے خطاب کرتے ہوئے کہا کہ سود کے خلاف جماعت اسلامی پاکستان کی پٹیشن پر وفاقی شرعی عدالت نے تاریخی فیصلہ سنایا ہے۔

سراج الحق نے کہا کہ جماعت اسلامی نے سود کے خلاف جنگ جیت لی ہے اور سودی نظام کے خاتمے پر اللہ کا شکر ادا کرتے ہیں۔

انہوں نے کہا کہ فیڈرل شریعت کورٹ نے سود کے خلاف متفقہ فیصلہ دیا اور آئین کا تقاضا یہی تھا کہ سود پر پابندی لگا دی جائے ۔

ان کا کہنا تھا کہ اسلامی بینک کاری دنیا کا ایک پاپولر نظام بن چکا ہے، اسٹیٹ بینک سے مطالبہ کرتے ہیں فیڈرل شریعت کورٹ کے فیصلے کو فوری طور پر نافذ کرے۔

سراج الحق نے کہا کہ وفاقی حکومت جلد از جلد فیصلے کوعملی جامہ پہنائے اور حکومت اسلامی معاشی نظام کیلئے قوانین بنائے، شریعت کے مطابق قوانین بنانے کیلئے حکومت کو 5 سال ک اوقت دیا گیا ہے۔

ان کا کہنا تھا کہ پی ٹی آئی کی حکومت ہو یا مسلم لیگ ن کی دونوں حکومتوں نے سود پر لیت و لعل سے کام لیا ہے اور اس بار بھی حکومت نے لیت و لعل سے کام لیا تو معاف نہیں کریں گے۔