بالی ووڈ کی اداکارہ اور ڈانسر ملائیکا اروڑا کی گاڑی بڑے حادثے ک اشکار ہوگئی۔

غیر ملکی خبر رساں ادارے کے مطابق اداکارہ ملائیکا اروڑا کی گاڑی کو حادثہ پیش آیا ہے جس میں وہ بھی زخمی ہوگئیں۔

اداکارہ کی گاڑی کو حادثہ کھوپولی ایکسپریس وے پر پیش آیا جہاں تین گاڑیاں آپس میں ٹکرائیں۔

اس حادثے کے حوالے سے مقامی پولیس کا کہنا تھا کہ اداکارہ اس حادثے میں زخمی ہوئی ہیں جبکہ انہیں فوری طور پر قریبی اسپتال بھی منتقل کر دیا گیا۔

تاہم پولیس نے بتایا کہ اس معاملے کی تحقیقات کے بعد اس کا مقدمہ درج کیا جائے گا۔

دوسری جانب گزشتہ ماہ قبل بالی ووڈ کی ڈانسر ملائیکا اروڑا نے عالمی وبا کورونا وائرس سے متاثر ہونے کے بعد اہم انکشاف کیا تھا۔

ملائیکا اروڑا نے اپنے انٹرویو میں بتایا تھاکہ کوویڈ کے بعد اب کام کرنے میں مشکل ہوتی ہے۔

اداکارہ نے اعتراف کیا تھا کہ دوبارہ کام پر جانے کے لیے ان کے پاس ویسی توانائی اور طاقت نہیں ہے، اب کام پر جانا کافی مشکل ہوتا ہے۔

ملائیکا نے مزید کہا تھاکہ ابتدا میں میں نے خود کو بے بس محسوس کیا کیونکہ میرا جسم اس طرح کام نہیں کر رہا تھا جیسا کہ میں پہلے اس کی عادی تھی۔

واضح رہے ملائیکا اروڑا گزشتہ برس ستمبر میں کورونا وائرس کا شکار ہوگئیں تھیں،تاہم صحتابی کے بعد انہوں نے کام کو مشکل قرار دیا تھا۔