ہر موسم کی ایک الگ خصوصیت ہے، سردی کا موسم ہماری جسمانی نشوونما کے لیے بہترین ہے،سرد موسم میں جسم سکڑتا ہے تو ہمارے جسم کے اندرونی اعضاءکی ہوتی ہے۔

اگر بات کی جائے گرمی کی تو موسم گرما میں سب ہی پریشان ہوتے ہیں لیکن گرمی کی شدت سے ہی پھلوں میں رس پیدا ہوتا ہے جو صحت کےلئے بےحد ضروری ہیں۔

ہر موسم کے لحاظ سے قدرت نے ہمارے لیے غذائیں بھی پیدا کردی ہیں تاکہ ہم ہر موسم سے بھرپور طریقے سے لطف اندوز ہوں اور اس کے مضر اثرات سے محفوظ رہیں۔

اس موسم گرما ’تخم بالنگا‘ سے فائدہ اُٹھائیں

گرم موسم میں تخم بالنگا کو مختلف مشروبات میں شامل کرکے پیا جا سکتا ہے  جیسے لیموں پانی، فالودہ، ٹھنڈائی وغیرہ۔

موسم گرما میں تخم بالنگا کے استعمال سے ناصرف آپ کے جسم میں پانی کی کمی پوری ہوتی ہے بلکہ یہ نظامِ ہاضمہ بہتر کرنے اور ایکنی جیسے مسائل سے ہماری جِلد کو محفوظ رکھنے کے لیے مفید ہوتا ہے۔

ہیٹ ویو میں ماہرین تخم بالنگا استعمال کرنے کا مشورہ دیتے ہیں کیونکہ یہ قدرتی طور پر ٹھنڈا ہوتا ہے اور اس کے استعمال سے ہمارے جسم کی گرمی کی شدت میں کمی آتی ہے

تخم بالنگا میں قدرتی طور پر ذہنی تناؤ کم کرنے کی خصوصیات موجود ہوتی ہیں، ہمارے جسم پر اس کے حیرت انگیز پرسکون اثرات مرتب ہوتے ہیں، جو کسی حد تک اروما تھراپی سے ملتے جلتے ہیں۔

تخم بالنگا کو اپنے روزمرہ کے کھانے میں شامل کرنے سے ذہنی تناؤ کی سطح میں کمی آسکتی ہے۔

 تخم بالنگا کے استعمال سے نظامِ ہاضمہ بہتر طریقے سے کام کرتا ہے، یہ آنتوں کو صاف کرتا ہے اور قبض جیسے مسائل سے چھٹکارا دلانے میں مدد کرتا ہے۔