جب Chicxulub impactor نامی چٹان 66 ملین سال پہلے خلا سے زمین پر ٹکرائی تو اس وقت بھی کاکروچ (لال بیگ) موجود تھے۔

اس ٹکراؤ نے بڑے پیمانے پر زلزلہ پیدا کیا، جبکہ سائنس دانوں کا خیال ہے کہ یہ ہزاروں میل دور آتش فشاں پھٹنے کا باعث بھی بنا۔

اس چٹان کے ٹکرانے سے روئے زمین پر موجود تین چوتھائی پودے اور جانور بشمول ڈائنو سار مر گئے، سوائے کچھ انواع کے جو آج کے پرندوں کے آباؤ اجداد تھے۔

سوال یہ ہے کہ جب اتنے طاقتور جانور معدوم ہو گئے تو دو انچ لمبے کاکروچ کیسے زندہ باقی رہ گئے؟

تحقیق سے پتہ چلتا ہے کہ یہ کیڑے موسمیاتی تباہی سے خود کو بچانے کے لیے اچھی طرح سے لیس تھے۔

اگر آپ نے کبھی کاکروچ دیکھا ہو، تو آپ پائیں گے ان کے جسم بہت چپٹے ہیں، یہ کوئی اتفاق نہیں ہے۔ یہ چپٹے کیڑے خود کو تنگ جگہوں پر گھسا سکتے ہیں۔ جو انہیں عملی طور پر کہیں بھی چھپنے کے قابل بناتا ہے اور اسی قابلیت نے انہیں Chicxulub کے  اثرات سے بچنے میں مدد کی ہوگی۔

جب چٹان ٹکرائی تو زمین کی سطح پر درجہ حرارت آسمان کو چھونے لگا۔ بہت سے جانوروں کے پاس بھاگنے کے لیے کوئی جگہ نہیں تھی، لیکن کاکروچ مٹی کی چھوٹی چھوٹی دراڑوں میں پناہ لے سکتے تھے، جو گرمی سے بہترین تحفظ فراہم کرتی ہیں۔

چٹان کے اثر نے تباہی کا ایک سلسلہ شروع کیا، اس نے اتنی دھول اُڑائی کہ آسمان سیاہ ہو گیا۔ جیسے جیسے سورج ڈھلا، درجہ حرارت گر گیا اور دنیا بھر میں حالات سرد ہو گئے۔

سورج کی کم روشنی کے ساتھ، زندہ بچ جانے والے پودے بڑھنے کے لیے جدوجہد کر رہے تھے، اور بہت سے دوسرے جاندار جو ان پودوں پر انحصار کرتے تھے بھوکے رہ گئے، لیکن کاکروچ نہیں۔

کچھ کیڑے مکوڑوں کے برعکس جو ایک مخصوص پودے کو کھانے کو ترجیح دیتے ہیں، کاکروچ سب خورد خور ہیں۔

اس کا مطلب ہے کہ وہ زیادہ تر چیزیں کھا سکتے ہیں، جن میں جانوروں یا پودوں کے ساتھ ساتھ گتے، کچھ قسم کے کپڑے اور یہاں تک کہ بول براز بھی شامل ہے۔

چٹان سے ہونے والی تباہی  اور دیگر قدرتی آفات کے بعد بھی کاکروچوں کی اس قابلیت نے انہیں زندہ رہنے کی اجازت دی۔

ایک اور مددگار خاصیت یہ ہے کہ کاکروچ اپنے انڈے چھوٹے حفاظتی پوڈز میں دیتے ہیں۔ انڈوں کے یہ کارٹن خشک پھلیوں کی طرح نظر آتے ہیں اور انہیں اوتھیکی کہتے ہیں، جس کا مطلب ہے “انڈے کے کیسز”۔

فون کیسز کی طرح، oothecae  سخت ہوتے ہیں اور اپنے مواد کو جسمانی نقصان اور دیگر خطرات، جیسے سیلاب اور خشک سالی سے بچاتے ہیں۔

جدید کاکروچ بہت کم زندہ بچ جانے والے جاندار ہیں جو صحراؤں کی گرمی سے لے کر دنیا کے کچھ سرد ترین حصوں تک زمین پر کہیں بھی رہ سکتے ہیں، سائنس دانوں کا اندازہ ہے کہ کاکروچز کی 4000 سے زیادہ اقسام ہیں۔

کاکروچ بڑی تعداد میں گندی جگہوں پر موجود ہوں تو وہ بیماریاں پھیلا سکتے ہیں۔ ان سے انسانی صحت کے لیے سب سے بڑا خطرہ ان کے پیدا کردہ الرجین سے ہے جو کچھ لوگوں میں دمہ کے دورے اور الرجک رد عمل کا باعث بن سکتے ہیں۔

کاکروچوں پر قابو پانا مشکل ہے کیونکہ وہ بہت سے کیمیکل کیڑے مار ادویات کے خلاف مزاحمت کر سکتے ہیں اور اس لیے کہ ان میں وہی صلاحیتیں ہیں جنہوں نے ان کے آباؤ اجداد کو بہت سے ڈائنوسارز کے برعکس زندہ رہنے میں مدد دی۔