پاکستان نے کابل میں دہشت گرد حملے کی سخت مذمت کی ہے۔
اپنے ایک بیان میں ترجمان دفترخارجہ عاصم افتخار احمد نے کہا کہ پاکستان آج کابل میں ایک مسجد پر دہشت گرد حملے کی شدید مذمت کرتا ہے، اس حملے کے نتیجے میں متعدد قیمتی انسانی جانوں کا نقصان ہوا۔
انہوں نے کہا کہ دہشت گرد حملے میں متعدد افراد زخمی ہوئے، پاکستانی حکومت اور عوام متاثرین کے اہل خانہ سے گہری ہمدردی کرتے ہیں۔
عاصم افتخار احمد کا کہنا تھا کہ پاکستانی حکومت اور عوام زخمیوں کی جلد صحت یابی کے لیے دعاگو ہے۔
ترجمان دفترخارجہ عاصم افتخار احمد کا مزید کہنا تھا کہ ہم اپنے افغان بھائیوں کی بھرپور حمایت اور ان سے یکجہتی کرتے ہیں تاکہ ہمارے افغان برادران موثر انداز میں دہشت گردی کے چیلنج کا مقابلہ کر سکیں۔
Advertisement
یادرہے کہ جمعہ کے روز مغربی کابل کی ایک مسجد میں نماز کے دوران ایک زور دار دھماکہ ہوا، جس میں کم از کم 10 افراد ہلاک اور 15 زخمی ہوگئے ہیں۔
حکام نے بتایا کہ رمضان کے مہینے میں افغان عبادت گاہوں اور شہری اہداف پر حملوں کئے گئے۔
وزارت داخلہ کے نائب ترجمان بسم اللہ حبیب کا کہنا ہے کہ دھماکہ دوپہر دو بجے کے قریب مغربی کابل میں واقع خلیفہ صاحب مسجد میں ہوا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
