راولپنڈی میں پولیس کا پیشہ ور بھکاریوں کے خلاف کریک ڈاؤن جاری ہے۔

تفصیلات کے مطابق پولیس نے کارروائی کے دوران 25 بھکاری گرفتار کرلیئے، پیشہ ور بھکاری چوک چوراہوں پر کھڑے ہو کر ٹریفک کی روانی کو بھی متاثر کرتے ہیں۔

گرفتار بھکاریوں کو مختلف تھانوں میں بند کر کے کارروائی کا آغاز کردیا گیا ہے۔

دوسری جانب رمضان المبارک کے ساتھ ہی کراچی میں گداگروں اور بھیکاروں کی تعداد میں بھی اضافہ ہوگیا ہے۔

صاحب استطاعت افراد رمضان المبارک میں زیادہ سے زیادہ صدقہ ، خیرات اور زکوات نکالتے ہیں، مخیر حضرات کی جانب سے سفید پوش افراد کی بھی خاموشی کے ساتھ مدد کرنے کا سلسلہ جاری رہتا ہے۔

معذوز بھکاری نے بول نیوز سے بات چیت کرتے ہوئے کہا کہ مہنگائی کے باعث گداگر بھی پریشان ہیں، مہنگائی اتنی زیادہ ہوگئی ہے کہ لوگوں نے بھیک دینا بھی کم کردی ہے۔

انہوں نے کہا کہ پہلے یومیہ 800 سے 12 روپے پورے دن میں بھیک کے پیسے مل جاتے تھے اب 400 بھی جمع کرنا مشکل ہوگیا ہے، ہر چورنگی اور سڑک پر بھیکاروں اور گداگروں کی تعداد میں اضافہ ہونے سے آمدنی متاثر ہوگئی ہے۔

 ان کا کہنا تھا کہ جہاں پہلے 2 فقیر بھیک مانگتے تھے وہاں اب 10 موجود ہوتے ہیں، احساس پروگرام یا سندھ حکومت کے کسی بھی پروگرام سے معذور بھیکاروں کی مدد ابھی تک نہیں کی گئی ہے۔

معذوز بھکاری نے مزید کہا کہ ہم نے بھٹو کو ووٹ دیا تھا لیکن اب کوئی پوچھتا نہیں ہے، عمران خان حکومت میں مہنگائی بہت بڑھ گئی ہے۔