پاکستان کی معروف اداکارہ بشریٰ انصاری نے سوشل میڈیا پر مردان کے طالب علم مشال خان کی تصویر شئیر کر دی۔

پاکستانی شوبز انڈسٹری کی معروف سینئر اداکارہ و میزبان بشریٰ انصاری نے سوشل میڈیا پر عبدالولی خان یونیورسٹی، مردان کے طالب علم مشال خان کی یاد تازہ کر دی ہے۔

اداکارہ نے مشال خان کی تصویر شئیر کرتے ہوئے کہا ہے کہ مشال خان کا دُکھ نہیں بھولتا۔

اداکارہ بشریٰ انصاری نے اپنی پوسٹ کے کیپشن میں لکھا کہ ’مشال خان کو طالب علموں نے قتل کیا تھا کسی  ان پڑھ ہجوم نے نہیں، ہمارے اسلامک اسکالرز  کو ڈرائنگ روم یا یو ٹیوب پر بیٹھنے کے بجائے کالجوں اور اسکولوں میں نوجوانوں کو حقیقی اسلام کی تبلیغ کرنی چاہیے۔‘

بشریٰ انصاری کا اپنی پوسٹ کے آخر میں اپنے جذبات کا اظہار کرتے ہوئے لکھنا تھا کہ ’مشال خان کا دُکھ نہیں بھولتا۔‘

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Bushra Bashir (@ansari.bushra)

یاد رہے کہ 2017ء میں 13 اپریل کو مردان کی عبدالولی خان یونیورسٹی کے طالب علم مشال خان کو طلباء کے مشتعل ہجوم نے توہین رسالت کا الزام لگا کر تشدد کر کے قتل کر دیا تھا۔

تاہم بعد ازاں کیس کی تحقیقات کرنے والی جوائنٹ انویسٹیگیشن ٹیم (جے آئی ٹی) نے اپنی رپورٹ میں انکشاف کیا تھا کہ قتل باقاعدہ منصوبہ بندی کے تحت کیا گیا تھا۔

کیس کی جوائنٹ انویسٹیگیشن ٹیم نے رپورٹ میں مؤقف اختیار کیا تھا کہ مشال خان کے قتل میں یونیورسٹی ملازمین بھی ملوث تھے، مشال اور اس کے ساتھیوں کے خلاف توہین رسالت یا مذہب کے شواہد نہیں ملے تھے۔