عمران خان نے کرسی اور سیاست بچانے کیلئے آئین کو ذبح کیا، احسن اقبال

ویب ڈیسک

06th Apr, 2022. 11:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان نے کرسی اور سیاست بچانے کیلئے آئین کو ذبح کیا، احسن اقبال

مسلم لیگ ن کے رہنما احسن اقبال نے کہا ہے کہ عمران خان نے کرسی اور سیاست بچانے کیلئے آئین کو ذبح کیا۔

احسن اقبال نے سپریم کورٹ کے باہر میڈیا سے گفتگو کرتے ہوئے کہا کہ امید ہے سپریم کورٹ آئین کی بالادستی کوبحال کرے گی اور عدالت آئین شکنوں کو جیل بھیجنے کا حکم دے گی۔

انہوں نے کہا کہ اتحادی چھوڑ گئے تو ایک دم سازشی تھیوری لے آئے، پاکستان کو آئینی بحران میں دھکیل دیا گیا، آئین کی حفاظت کیلئے کھڑا ہونا ہر شہری کا فرض ہے۔

ن لیگی رہنما کا کہنا ہے کہ عمران نیازی نے کرسی اور سیاست بچانے کیلئے آئین کو ذبح کردیا، امریکا نے دھمکی دی تو انکے سفیرکو دعوت کیوں دی گئی تھی۔

احسن اقبال نے کہا کہ عمران خان نے امریکا میں غیرقانونی سرگرمیاں کیں، ان سرگرمیوں پرعمران نیازی کو تحقیقات کا سامنا ہے۔

مسلم لیگ ن کے رہنما نے کہا کہ عمران نیازی نے امریکا سے منی لانڈرنگ کی اور انہوں نے پاک امریکا تعلقات داؤ پر لگا دیئے۔

انہوں نے کہا کہ عمران خان نے خارجہ پالیسی کو داؤ پر لگا دیا، انہوں نے پاکستان کے ساتھ بدترین مذاق کیا۔

احسن اقبال نے مزید کہا کہ عمران خان نے منی لانڈرنگ کی، فارن فنڈنگ کیس میں عمران نیازی کی چوری پکڑی گئی ہے۔