پوپ فرانسس نے یوکرین کے دورے کا عندیہ دے دیا

ویب ڈیسک

02nd Apr, 2022. 07:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پوپ فرانسس نے یوکرین کے دورے کا عندیہ دے دیا

کیتھولک عیسائیوں کے مذہبی پیشوا پوپ فرانسس نے کہا ہے کہ وہ یوکرین کے دارالحکومت کیف کا دورہ کرنے کا سوچ رہے ہیں۔

پوپ فرانسس ہوائی جہاز میں روم سے مالٹا جا رہے تھے، سفر کے دوران ایک صحافی نے پوچھا کہ کیا وہ یوکرین کے سیاسی اور مذہبی حکام کی دی گئی دعوت کو قبول کریں گے۔

پوپ فرانسس نے صحافی کو جواب دیا: “ہاں، یہ میز پر ہے۔” انہوں نے مزید تفصیلات نہیں بتائیں۔

پوپ فرانسس کو یوکرین کے صدر ولادیمیر زیلینسکی، کیف کے میئر وٹالی کلِٹسکو، یوکرین کے بازنطینی کیتھولک چرچ کے میجر آرچ بشپ سویاٹوسلاو شیوچک اور ویٹیکن میں یوکرین کے سفیر آندری یورش نے مدعو کیا ہے۔

پوپ فرانسس نے یوکرین کے صدر اور چرچ کے آرچ بشپ سے فون پر بھی بات کی ہے۔

روس کا یوکرین پر حملہ جسے روس یوکرین کو غیر عسکری طور پر ختم کرنے کے لیے “خصوصی فوجی آپریشن” کہتا ہے، پوپ نے اس کی شدید مذمت کی ہے.

پوپ فرانسس نے روسی حملے کو بلا جواز جارحیت قرار دیا ہے اور مظالم کی مذمت کی ہے۔

پوپ فرانسس نے 25 مارچ کو امن کے لئے خصوصی عالمی تقریب کے دوران روس کا حوالہ دیتے ہوئے کہا تھا کہ روسی جارحیت سے خطے میں امن کو نقصان پہنچا ہے۔