بھارت کی 79 سالہ خاتون ٹیچر نے اپنی تمام جائیداد کانگریس رہنما راہول گاندھی کے نام کردی۔

بھارتی میڈیا کے مطابق ریاست ریاست اتراکھنڈ کے شہر دییرادون کی بزرگ خاتون پشپا مونجیال  نے اپنی تمام جائیداد کانگریس رہنما راہول گاندھی کے نام کرنے کا اعلان کردیا۔

رپورٹس میں کہا گیا کہ 79 سالہ ریٹائرڈ اسکول ٹیچر پشپا مونجیال نے گزشتہ روز مقامی عدالت میں تمام تر جائیداد کانگریس رہنما راہول گاندھی کو منتقل کرنے کے لیے وصیت جمع کروائی۔

یہ بھی پڑھیں: راہل گاندھی نے حجاب تنازعہ کے دوران ‘اتحاد’ کا پیغام شیئر کردیا

بعد ازاں بزرگ خاتون پشپا مونجیال نے کانگریس کے سابق ریاستی صدر پریتم سنگھ کی رہائش گاہ پر راہول گاندھی کو اپنی جائیداد وقف کرنے کا وصیت نامہ ان کے حوالے کی۔

Pushpa Munjiyal Ji has donated her entire property in the name of our leader Shri #RahulGandhiji, for this she has also presented a testament in Dehradun court. Many thanks to the Mother for this trust. #PushpaMunjial pic.twitter.com/Mbq1xvZ9E6

— Bihar Congress Sevadal (@SevadalBR) April 4, 2022

79 سالہ بزرگ خاتون کی جانب سے راہول گاندھی کے نام کی جانے والی جائیداد کی مالیت 50 لاکھ روپے ہے جس میں 18 لاکھ کے فکس ڈپوزٹ شامل ہیں جب کہ اس کے علاوہ 10 تولہ سونا بھی شامل ہے۔

اس حوالے سے ریٹائرڈ خاتون ٹیچر پشپا مونجیال نے بتایا کہ میں راہول گاندھی کی سوچ سے بہت زیادہ متاثر ہوں اور ان کے بھارت کے حوالے سے ان کے نظریات بہت زیادہ واضح ہیں جب کہ ہمارے ملک کو ان جیسے لیڈرز کی ضرورت ہے۔

پشپا مونجیال کا کہنا تھا کہ سونیا گاندھی اور راہول گاندھی نے خود کو قوم کی خدمت کے لیے وقف کردیا ہے، وہ اس جذبے سے بہت متاثر ہیں لہٰذا سوچ بیچار کرنے کے بعد میں نے یہ فیصلہ کیا ہے۔