بھارتی حکام نے بین الاقوامی میڈیا کو بتایا ہے کہ مہاراشٹرا میں چندر پور پولیس اور انتظامیہ نے ہفتے کی شام کو مبینہ طور پر آسمان سے گرنے والی دو اشیاء کو قبضے میں لے لیا ہے۔

ماہرین کا کہنا ہے کہ ان کا خیال ہے کہ یہ پرزے چینی سیٹلائٹ کے ہیں۔

ہفتہ کے روز ضلع کے سینکڑوں دیہاتیوں نے آسمان پر جلتی ہوئی چیز کو دیکھا، جس سے خوف و ہراس پھیل گیا تھا۔

Advertisement

महाराष्ट्र के नागपुर में लोगों को आसमान में दिखी अनोखी रोशनी, लोग हैरान. pic.twitter.com/Xl4v39UzCc

— BBC News Hindi (@BBCHindi) April 3, 2022

مہاراشٹر کے چندر پور ضلع کی تحصیل سندواہی کے لاڈبولی گاؤں میں ہفتہ کی شام ساڑھے سات یا آٹھ بجے کے قریب10 فٹ قطر کا ایک دھاتی رِنگ ملا۔

چندر پور کے ضلع کلکٹر اجے گلہانے نے بتایا کہ گاؤں والوں نے اس جلتی ہوئی چیز کو آسمان سے گرتے ہوئے دیکھا تھا۔ اس چیز کو جمع کرکے پولیس اسٹیشن میں رکھا گیا ہے۔

گلہانے نے کہا کہ اسی طرح، اتوار کی صبح علاقے کے پاون پاڈ گاؤں میں ایک سے ڈیڑھ فٹ قطر کی ایک دھاتی سلینڈریکل شکل کی چیز ملی۔

खगोलशास्त्रज्ञ जोनाथन मॅकडोवेल @planet4589 सांगतात की #Maharashtra त दिसलेली खगोलीय घटना ही फेब्रुवारी 2021 मध्ये प्रक्षेपित झालेल्या चीनी रॉकेटची पृथ्वीच्या वातावरणात पुन: प्रवेशाची होती. आता याची माहिती गोळा करुन सरकारला पाठविण्यात येणार – जिल्हाधिकारी #Meteorshower #satelite https://t.co/cBy1brrJlU pic.twitter.com/fiEbzD5LTR

— Praveen Mudholkar (@JournoMudholkar) April 3, 2022

واقعہ کی تصدیق کرتے ہوئے اے ڈی جی پی راجندر سنگھ نے کہا کہ وہ اس حوالے سے مزید تفصیلات حاصل کرنے کی کوشش کر رہے ہیں۔

بھارتی ماہرین فلکیات کے مطابق آسمان سے گرتی نظر آنے والی شے کوئی شہابِ ثاقب نہیں بلکہ ایک سیٹلائٹ ہے جو زمین کی فضا سے رابطے میں آنے کے بعد تباہ ہو کر مختلف خطوں میں گرا ہے۔

#Maharashtra – Third satellite rocket piece found in a farm near Samudrapur District #Wardha
This is the third satellites fragments found in last two days. Search is going on. #Meteorshower #meteorshowers #Satellite#Nagpur #Chandrapur @OfficeofUT @RamdasTadasMP @isro @NDRFHQ https://t.co/TaznjAAck0 pic.twitter.com/8RNmpLLWE7

— Praveen Mudholkar (@JournoMudholkar) April 3, 2022

کسی سیٹلائٹ کے مدار میں گردش کرنے کے دورانیے کے بعد، اسے عموماً کنٹرولڈ طریقے سے تباہ کر دیا جاتا ہے، لیکن ایسا معلوم ہوتا ہے کہ یہ سیٹلائٹ کنٹرول سے باہر ہو کر زمین کی فضا میں داخل ہو گیا۔

انہوں نے کہا کہ بھارت میں تقریباً 14 سال کے بعد ایسا واقعہ رونما ہوا ہے۔

ایک ماہر فلکیات کا کہنا تھا کہ انہیں دستیاب معلومات کے مطابق ایک بار جب ایسے سیٹلائٹ فضا میں داخل ہوتے ہیں، تو یہ جلنا شروع ہو جاتا ہے اور مختلف جگہوں پر گرتے ہیں، اس سیٹلائٹ کے ساتھ بھی ایسا ہی ہوا ہوگا۔”

اس مخصوص سیٹلائٹ کے مختلف حصے راجستھان، گجرات، مدھیہ پردیش اور مہاراشٹر سمیت دیگر ریاستوں میں گرے تھے۔