پاکستان کے ٹیسٹ اوپنر عابد علی نے اوپن ہارٹ سرجری کے بعد کرکٹ کے میدان میں شاندار انداز میں واپسی کرتے ہوئے 56 رنز کی عمدہ اننگ کھیلی۔

مقامی میڈیا کے مطابق پاکستان کے ٹیسٹ اوپنر عابد علی نے فیصل آباد میں جاری ایس پی ایل میں چار ماہ بعد اپنا پہلا مسابقتی کرکٹ میچ کھیلا۔ 34 سالہ کھلاڑی نے 32 گیندوں میں سات چوکوں اور ایک چھکے کی مدد سے 56 رنز بنائے۔

عابد نے ایک ٹویٹ میں کہا، الحمدللہ میں نے چار ماہ بعد اپنے پہلے میچ میں 32 گیندوں پر 56 رنز بنائے۔

Alhumdulilah scored 32-balls 56 on my first match after four months 🙌

Advertisement

Keep praying 🤲 pic.twitter.com/Q6VFr3fxuj

— Abid Ali (@AbidAli_Real) April 20, 2022

عابد نے دسمبر 2021 میں قائداعظم ٹرافی کے ایک میچ کے دوران سینے میں درد محسوس کیا اور بعد میں اسے ایکیوٹ کورونری سنڈروم کی تشخیص ہوئی۔ ان کی انجیو پلاسٹی سرجری ہوئی جس نے انہیں مہینوں تک کرکٹ سے دور رکھا۔

میچ کے بعد گفتگو کرتے ہوئے عابد علی نے کہا کہ کھیلتے ہوئے انہیں کوئی تکلیف محسوس نہیں ہوئی۔

Advertisement

Alhamdulillah 🤲 https://t.co/ZWjGH9uNgT

— Abid Ali (@AbidAli_Real) April 20, 2022

میں ہارٹ سرجری کے بعد اپنا پہلا میچ کھیلتے ہوئے قدرے نروس تھا لیکن اللہ کا شکر ہے کہ میدان میں وقت اچھا گزرا۔

انہوں نے مزید کہا کہ “اس اننگز نے میرے اعتماد کو بڑھایا ہے اور میں مزید میچوں میں حصہ لے کر اپنی فارم اور فٹنس کے لیے کوشش کروں گا۔ میرا ہدف ایک بار پھر پاکستان کی نمائندگی کرنا ہے”۔

انہوں نے کہا، “میں مشکل وقت میں اپنے خاندان اور مداحوں کی ہمت اور مدد کے لیے شکر گزار ہوں۔”