وزیراعظم کے معاون خصوصی برائے سیاسی ابلاغ ڈاکٹر شہباز گل نے کہا ہے کہ کیا قوم آج بھی خاموش رہے گی؟

سماجی رابطے کی ویب سائٹ ٹوئٹر پر اپنے ایک پیغام میں شہباز گل نے کہا کہ ایک للکار بھٹو نے دی تھی، سبق سکھا دیا گیا، عوام خاموش رہی۔

ایک للکار بھٹو نے دی تھی۔ سبق سکھا دیا گیا۔ عوام خاموش رہی۔

45 سال لگے قوم کو دوسری للکار سامنے میں۔

Advertisement

آج خان للکار کے قومی غیرت کا اعلان کر رہا ہے۔ سبق سکھایا جا رہا ہے۔

کیا قوم آج بھی خاموش رہے گی ؟

اگر خاموش رہ گئی تو پھر اگلی للکار شائید صدیوں تک نہ سنائی دے

— Dr. Shahbaz GiLL (@SHABAZGIL) April 2, 2022

انہوں نے کہا کہ 45 سال لگے قوم کو دوسری للکار سامنے لانے میں، آج عمران خان للکار کے قومی غیرت کا اعلان کر رہے ہیں، سبق سکھایا جا رہا ہے۔

ڈاکٹر شہباز گل نے اپنے ٹوئٹر پیغام مزید کہا کہ کیا قوم آج بھی خاموش رہے گی؟ اگر خاموش رہ گئی تو پھر اگلی للکار شاید صدیوں تک نہ سنائی دے۔

وزیراعظم عمران خان کی جانب سے عوام سے ٹیلیفونک گفتگو کرنے کا فیصلہ ملتوی کردیا کیا گیا ہے۔

وزیراعظم کی آج کی سیاسی مصروفیات کے باعث  عوام سے براہ راست گفتگو کرنے کا پلان ملتوی کیا گیا ہے۔

واضح رہے کہ وزیراعظم عمران خان آج سہ پہر 3 بجے عوام سے براہ راست ٹیلی فونک گفتگو کریں گے اور عوام کے سوالات کے جواب دیں گے۔

علاوہ ازیں وزیراعظم عمران خان صحافیوں اور اداکاروں سے ملاقاتیں کریں گے جو کہ ملاقاتیں وزیراعظم ہاؤس میں ہوں گی۔

اس دوران وزیراعظم موجودہ صورتحال پر اعتماد میں لیں گے اور دھمکی آمیز خط بارے بھی آگاہ کریں گے۔

خیال رہے کہ وزیراعظم عمران خان کی قریبی رفقاء سے عدم اعتماد کو ناکام بنانے کے لئے مشاورت جاری  ہے۔

اس حوالے سے وزیراعظم آج شام قوم کے نام اہم پیغام جاری کریں گے۔