گوگل میپس کے صارفین کا پالا اکثر عجیب و غریب تصاویر کے ساتھ پڑتا رہتا ہے، لیکن اس بار جو تصاویر ان کے ہاتھ لگی ہیں انہوں نے لوگوں کو سر کھجانے پر مجبور کردیا ہے۔

گوگل مپیس پر موجود ان تصاویر میں ہیزمیٹ پروٹیکٹیو سوٹ کو سڑکوں پر گھومتے دیکھا گیا ہے، جس میں سر اور جسمانی اعضاء دکھائی ہی نہیں دے رہے۔

اگر آپ نیو یارک سٹی میں بروکلین نیوی یارڈ سے نیچے جاتے ہیں، تو آپ کو خطرناک مواد سے بچنے والے باڈی سوٹ کا ایک عجیب منظر نظر آئے گا جو سڑک کے بیچوں بیچ کھڑا ہے، جس کے اندر کوئی جسم نہیں ہے۔

اور اگر آپ میپ پر آگے چلتے ہیں تو آپ دیکھیں گے کہ جسم کے بغیر یہ سوٹ علاقے میں رقص اور کھیلتے ہوئے لطف اندوز ہو رہا ہے۔

یہ کیسے ہوا یا یہ کون ہے اس کے بارے میں کوئی اشارہ نہیں ہے، لیکن ایک تصویر میں سوٹ کو ایک قریبی درخت کے ساتھ ٹیک لگائے ہوئے دیکھا گیا ہے، حالانکہ اس میں توازن رکھنے کے لیے ہاتھ یا پاؤں نہیں ہیں۔

یہ اور بھی عجیب اس وقت بن جاتا ہے جب سڑک کے آخر میں جاکر یہ سوٹ غائب ہو جاتا ہے اور ایک بگلا گوگل اسٹریٹ کار کے بالکل سامنے چند سو گز تک اس کی جگہ لے لیتا ہے،

جیسے جیسے کیمرہ بحریہ کے زیر انتظام علاقے کے قریب آتا ہے۔  بگلے کو دھندلا کردیا جاتا ہے، غالباً علاقے کی رازداری کی حفاظت کے لیے۔

اس حوالے سے ایک مختصر Reddit تھریڈ کے ایک تبصرے میں اس شخصیت کو کلاسک ڈراؤنے کردار ہولو مین کا Covid  ایڈیشن کہا گیا ہے۔

اس شخص کے بارے میں کوئی سراغ نہیں ہے، نہ ہی اس بارے میں کوئی اطلاع ہے کہ یہ کیسے ہوا، یا یہ کس طرح کیا گیا کیونکہ یہ ایک انتہائی محفوظ امریکی بحریہ کی ملکیت والے علاقے سے باہر ہے، جس میں بہت ساری حفاظتی اور عمارت کا سامان شامل ہے۔

یہ تصاویر مئی 2021 میں لی گئی تھیں، لیکن انہیں اب منظرِ عام پر لایا گیا ہے۔