بھارت، کورونا میں دوبارہ اضافہ، مسلسل چوتھے روز دو ہزار سے زائد کیسز

ویب ڈیسک

23rd Apr, 2022. 07:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت، کورونا میں دوبارہ اضافہ، مسلسل چوتھے روز دو ہزار سے زائد کیسز

بھارت میں کورونا کیسز کی تعداد میں مسلسل اضافہ ہو رہا ہے۔ ہفتہ کو دی گئی معلومات کے مطابق گزشتہ 24 گھنٹوں میں 2527 نئے کیس درج ہوئے ہیں۔

بھارتی میڈیا کے مطابق اس کی وجہ سے ملک میں ایکٹو کیسز کی تعداد بڑھ کر 15,079 ہو گئی ہے۔ یہ لگاتار چوتھا دن ہے، جب کورونا کے 2 ہزار سے زیادہ کیسز سامنے آئے ہیں۔

کورونا کے مثبت کیسوں کی شرح 0.56 فیصد برقرار ہے۔ گزشتہ 24 گھنٹوں کے دوران کورونا سے 33 افراد جاں بحق ہوئے ہیں۔

خبر رساں ایجنسی کے مطابق بھارتی وزارت صحت کی طرف سے بتایا گیا ہے کہ ملک میں 2527 نئے کیسز آنے کے ساتھ ہی 1656 لوگوں کو ڈسچارج کیا گیا ہے۔

اب تک ملک میں کورونا کیسز کی کل تعداد 4,30,54,952 ہو گئی ہے۔ ان میں سے 4,25,17,724 لوگ شفایاب ہو چکے ہیں۔ اس طرح صرف 0.03 فیصد ایکٹیو کیسز ہیں۔ 98.75 فیصد لوگ علاج کے بعد شفایاب ہو چکے ہیں ۔

ایک دن پہلے دہلی میں 1024 نئے کورونا کیسز درج کئے گئے تھے ، جو کہ 10 فروری کے بعد سب سے زیادہ ہے۔

مثبت کیسوں کی شرح کے معاملہ میں دہلی بھی آگے ہے، یہاں ہر 100 میں سے 4.64 لوگ کورونا سے متاثر ہو رہے ہیں۔ کیسز کی بڑھتی ہوئی تعداد کو دیکھتے ہوئے دارالحکومت دہلی میں ماسک پہننا لازمی کر دیا گیا ہے۔