شہباز شریف ہی وزیراعظم پاکستان منتخب ہونگے، سلمان رفیق

ویب ڈیسک

11th Apr, 2022. 11:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز شریف ہی وزیراعظم پاکستان منتخب ہونگے، سلمان رفیق

مسلم لیگ ن کے رہنماء خواجہ سلمان رفیق نے کہا ہے کہ شہباز شریف ہی وزیراعظم پاکستان منتخب ہونگے۔

میڈیا سے گفتگو کرتے ہوئے سلمان رفیق نے کہا کہ آج پاکستان میں آئیں و قانونی کی جیت ہوئی ہے۔

سلمان رفیق نے کہا کہ نو اپریل کو اپوزیشن کے ارکان 14 گھنٹے قومی اسمبلی میں رہے، اسپیکر نے خود کو بنی گالا کا اسپیکر بنا دیا۔

انہوں نے کہا کہ آج انشا اللہ شہباز شریف وزیر اعظم پاکستان منتخب ہونگے جبکہ حمزہ شہباز بھی وزیر اعلی پنجاب کے انتخاب میں کامیاب ہونگے۔

لیگی رہنما کا کہنا تھا کہ صوبائی اسمبلی میں ارکان کی اکثریت اپوزیشن کے ساتھ ہے، ہم نے پنجاب میں اپنی اکثریت ثابت کر دی ہے۔

انہوں نے کہا کہ ہم ہائیکورٹ میں جا چکے ہیں، امید ہے سپریم کورٹ کے طرح ہائیکورٹ سے انصاف ملے گا ۔

انہوں نے مزید کہا کہ حکومت نے میڈیا کو پنجاب اسمبلی میں جانے کی اجازت نہیں دی تھی، ہم مطالبہ کرتے ہیں میڈیا کو اجلاس کی کوریج کی اجازت دی جائے۔