پاکستان شوبز کے مشہورسینئر اداکار اور صدف کنول کے سسُر بہروز سبزواری نے صدف کنول کے اُمید سے ہونے کی تصدیق کردی ہے۔

معروف اداکار بہروز سبزواری اہلیہ کے ہمراہ رابعہ انعم کے رمضان شو میں شریک ہوئے، جہاں انہوں نے کیریئر سمیت ذاتی زندگی پر کھل کر باتیں کیں۔

شو کے دوران صدف کنول کے سسر یعنی بہروز سبزواری نے تصدیق کی کہ ان کی بہو اُمید سے ہے۔

یاد رہے کہ صدف کنول کے اُمید سے ہونے سے متعلق خبریں گزشتہ ماہ مارچ کے اختتام پر اس وقت شروع ہوئی تھیں جب کہ انہیں اداکار سلیم شیخ کی بیٹی کی شادی میں ڈانس کرنے سے گریز کرتے ہوئے دیکھا گیا تھا۔

تاہم اس سے قبل صدف کنول، شہروز سبزواری یا بہروز سبزواری سمیت خاندان کے دوسرے افراد نے کوئی وضاحت نہیں کی تھی۔

اداکار نے صدف کنول کی خوب تعرفیں کیں اور کہا کہ وہ ان کے خاندان کا دل جیت چکی ہیں اور سب کی آنکھوں کا تارا ہیں۔

اس دوران انہوں نے صدف کی پریگنینسی کے حوالے سے بات کرتے ہوئے کہا کہ مداحوں سے درخواست ہے کہ وہ ان کی بہو صدف کنول کی صحت یابی کے لیے دعا کریں، کیوں کہ وہ اس وقت اُمید سے ہیں۔

اداکار نے خوشی کا اظہار کیا کہ وہ جلد دوسری بار کم عمری میں دادا بننے جا رہے ہیں۔

بہروز سبزواری نے کہا کہ وہ اپنے بیٹے شہروز کو زیادہ وقت نہیں دے پائے تھے، تاہم اب وہ اپنے پوتوں کو وقت دیں گے۔

خیال رہے کہ صدف کنول اور شہروز سبزواری نے مئی 2020 میں شادی کی تھی اور دونوں کے درمیان شادی سے قبل ہی تعلقات استوار ہو چکے تھے۔

تاہم اب دونوں کے ہاں پہلے بچے کی پیدائش متوقع ہے جبکہ شہروز سبزواری کی اس کی سابق اہلیہ سائرہ شہروز سے بھی ایک بیٹی ہے۔