بولی وڈ کی مشہور اداکار جوڑی رنبیر کپور اور عالیہ بھٹ ایک دوجھے کے ساتھ شادی کے پَوِتر بندھن میں بندھ چکے ہیں، جہاں ان کے مداح ان کی خوشی میں خوش ہیں وہیں کچھ کھاپے کے شوقین یہ جاننے کی کوشش میں ہیں کہ اس پُر تعیش شادی میں مہمانوں کی تواضع کن پکوانوں سے کی گئی۔

ایسے ہی کھانوں کے شوقین مداحوں کے لیے ہم شادی کے مینیو کی تفصیلات لے آئے ہیں۔

بھارتی ذرائع ابلاغ سے موصول ہونے والی رپورٹس کے مطابق، نیتو کپور نے رنبیر اور عالیہ کی شادی کا کھانا تیار کروانے کے لیے خصوصی طور پر دہلی اور لکھنؤ سے شیف (خانسامے/باورچی) بلوائے ہیں۔

رپورٹ کے مطابق شادی کے مینیو ( کھانے کی فہرست) میں اٹالین، میکسیکن، پنجابی، مغلئی جیسے کھانے دستیاب ہیں۔

اس کے علاوہ  بریانی اور کباب کے ساتھ ایک خصوصی دہلی چاٹ کاؤنٹر بھی تھا، جبکہ 25 سے زیادہ ویگن اور ویجیٹیریئن کھانے بھی دستیاب تھے۔

واضح رہے کے شادی کی تقریبات کا آغاز کل شب عالیہ بھٹ اور رنبیر کپور کی رسمِ حنا سے کیا گیا تھا جس میں رشتے داروں مہیش بھٹ، پوجا بھٹ، سونی رازدان، نیتو کپور، ردھیما کپور ساہنی، کرینہ کپور خان، شویتا بچن نندا، کرشمہ کپور، آیان مکھرجی، کرن جوہر اور قریبی دوستوں نے شرکت کی تھی۔