عالمی وبائی مرض کورونا کے باعث سعودی عرب میں دو سال سے معطل رمضان کی روایتی رونقیں بحال ہو گئی ہیں۔
کورونا پابندیوں کے بغیر سحری ، افطار اور تراویح کی معمول کی رونقیں بحال ہونے پر شہریوں اور رہائشیوں نے خوشی کا اظہار کیا ہے۔
کورونا پابندیوں کے خاتمے کے فیصلے کا اعلان 22 مارچ کو دو مقدس مساجد کے امور کے جنرل پریذیڈنسی کے سربراہ شیخ عبدالرحمن السدیس نے کیا تھا۔
انہوں نے مزید کہا کہ ہمیں حرمین میں اعتکاف کی واپسی کا اعلان کرتے ہوئے خوشی ہو رہی ہے۔ اس کا اطلاق مخصوص معیار کے مطابق کیا جائے گا.
ان پابندیوں کے خاتمے کے بعد جہاں مسجد الحرام اور مسجد نبوی میں افطار کے روح پرور اور دلکش مناظر نظر آئیں گے وہیں مساجد میں خشوع و خضوع کے ساتھ تراویح کی باجماعت نمازیں بھی ادا کی جائیں گی۔
Advertisement
جبکہ رمضان المبارک کا اہم حصہ اعتکاف بھی رمضان کے آخری 10 دنوں میں ہوتا ہے جب نمازی تنہائی میں جاتے ہیں اور اپنا وقت نماز اور قرآن پڑھنے کے لیے وقف کرتے ہیں۔
یہ رمضان المبارک کے 20 ویں دن کے غروب آفتاب سے شروع ہوتا ہے اور عید کا چاند نظر آنے پر ختم ہوتا ہے۔ اعتکاف میں نمازی مسجدوں میں رہتے اور سوتے ہیں اور صرف وضو کے لیے نکلتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
