جوز بٹلر کا بیٹ بے قابو، آئی پی ایل کی دوسری سنچری جڑ دی

ویب ڈیسک

18th Apr, 2022. 09:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جوز بٹلر کا بیٹ بے قابو، آئی پی ایل کی دوسری سنچری جڑ دی

انگلش بیٹر جوز بٹلر کا بیٹ انڈین پریمئیر لیگ میں کسی بالر کو خاطر میں نہیں لا رہا ہے، انہوں نے رواں سیزن کی دوسری سنچری اسکور کر دی ہے۔

انگلینڈ کے جوس بٹلر نے انڈین پریمیئر لیگ میں راجستھان رائلز کے لیے اس سال کے ٹورنامنٹ کی اپنی دوسری سنچری کے ساتھ اپنی شاندار فارم کو جاری رکھا۔

جوز بٹلر 2022 کے آئی پی ایل کے سب سے زیادہ رنز بنانے والے کھلاڑی بن چکے ہیں، انہوں نے آج کولکتہ نائٹ رائیڈرز کے خلاف راجھستان رائلز کی جانب سے 61 گیندوں پر 103 رنز بنائے۔

انگلش بیٹر 31 سالہ کھلاڑی ایک ہی آئی پی ایل سیزن میں متعدد سنچریاں بنانے والے صرف چھٹے کھلاڑی بن گئے۔

انہوں نے 17ویں اوور میں پیٹ کمنز کی گیند پر فائن لیگ پر کیچ ہونے سے پہلے نو چوکے اور پانچ چھکے لگائے۔

یہ ان کی تیسری آئی پی ایل سنچری ہے، اس سے قبل رواں سیزن میں ممبئی انڈینز کے خلاف بھی 100 رنز بنانے میں کامیاب ہو چکے ہیں۔

جوز بٹلر نے دیو دت پڈیکل کے ساتھ پہلی وکٹ کے لیے 97 رنز بنائے اور آسٹریلیا کے ٹیسٹ کپتان کمنز کو لانگ آن پر بڑا چھکا لگا کر تین ہندسوں تک پہنچے۔

جوز بٹرل اس آئی پی ایل سیزن 15 میں چھ میچوں میں 75 کی اوسط سے 375 رنز بنا چکے ہیں۔

وہ رن سکورنگ چارٹ میں بھارت اور لکھنؤ سپر جائنٹس کے بلے باز کے ایل راہول سے 140 رنز آگے ہیں۔