پاکستان بھر میں کاروباری ہفتے کے آخری روز سونے کی قیمت میں کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق سونے کی قیمت میں بڑے اضافے کے بعد کمی ریکارڈ کی گئی تاہم ملک بھر میں سونے کی فی تولہ قیمت 2750 روپے کمی کے بعد 1 لاکھ 38 ہزار 450 روپے ہوگئی ہے جبکہ 10 گرام سونے کی قیمت 2356 روپے کمی کے بعد 1 لاکھ 18 ہزار 700 روپے ہوگئی ہے۔

قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 2750 روپے کمی کے بعد 1 لاکھ 38 ہزار 450 روپے ہوگئی ہے جبکہ 10 گرام سونے کی قیمت 2356 روپے کمی کے بعد 1 لاکھ 18 ہزار 700 روپے ہوگئی ہے۔

ایسوسی ایشن کے مطابق عالمی صرافہ بازار میں فی اونس سونا 6 ڈالرز کمی کی  بعد 1854 ڈالرز کی سطح پر آگیا ہے۔

واضح رہے گزشتہ روز بھی سونے کی قیمت میں ناقابل یقین کمی ریکارڈ کی گئی تھی۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 2100 روپے کمی کے بعد ایک لاکھ 41 ہزار 200 روپے ہوگئی تھی جبکہ 10 گرام سونے کی قیمت 1800 روپے کمی کے بعد ایک لاکھ 21 ہزار 056 روپے ہوگئی تھی۔