ملک اس وقت شدید ہیٹ ویو کی لپیٹ میں ہے جو اس ہفتے بھی جاری رہنے کا امکان ہے۔

محکمہ موسمیات کا کہنا ہے کہ رواں ہفتے ملک کے بیشتر علاقوں میں گرمی کی شدت میں کمی آنا شروع ہوجائیگی۔

ملک بھر میں گرمی کی لہر برقرار رہنے کی پیشگوئی

ملک کے بیشتر علاقوں میں اگلے ہفتے کے دوران بھی گرمی کی لہر برقرار رہے گی ۔#heatwave #HeatwaveInPakistan #Heatwaves pic.twitter.com/pocCwRn2C4

Advertisement

— Pak Met Department محکمہ موسمیات (@pmdgov) May 16, 2022

اس دوران شمالی بلوچستان، پنجاب ، بالائی سندھ، کے پی، گلگت بلتستان اور کشمیر میں دوپہر کے بعد تیز ہواؤں اور گرج چمک کے ساتھ بارشوں کا بھی امکان ہے۔

اس حوالے سے ڈپٹی ڈائریکٹر فارکاسٹ پاکستان میٹرولوجیکل ڈیپارٹمنٹ نے کہا کہ رواں ہفتے کے آخر تک پاکستان کے بالائی علاقوں میں بارش کا سلسلہ شروع ہو جائے گا۔

Most parts of the country are likely to remain in the grip of heat wave like conditions during this week. #heatwave #HeatwaveInPakistan pic.twitter.com/9c48E138ya

Advertisement

— Pak Met Department محکمہ موسمیات (@pmdgov) May 16, 2022

انہوں نے کہا کہ بارشوں کے اس سپیل سے ہیٹ ویو سے کچھ راحت ملے گی جبکہ پری مونسون اگلے مہینے کے وسط تک شروع ہو جائے گا ۔

دوسری جانب محکمہ موسمیات نے الرٹ جاری کرتے ہوئے بتایا ہے کہ 18 مئی سے پاکستان کے مختلف علاقوں میں دن کے وقت درجہ حرارت میں مزید اضافے کا امکان ہے۔

خیال رہے کہ شہر کراچی میں شدید گرمی کے باعث 4 روز کے دوران ہیٹ اسٹروک کے  شکار 28 مریض رپورٹ ہوئے ہیں۔

جناح اسپتال میں 12 ، سول میں 9 اور عباسی شہید میں 4 مریض رپورٹ ہوئے جنہیں جسم میں پانی کی شدید کمی اور تیز بخار کے سبب اسپتال کی ایمرجنسی لایا گیا۔