آندرے رسل کے آئی پی ایل میں دو ہزار رنز مکمل

ویب ڈیسک

15th May, 2022. 12:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آندرے رسل کے آئی پی ایل میں دو ہزار رنز مکمل

انڈین پریمئیر لیگ کے اہم میچ میں آل راؤنڈر آندرے رسل نے 49 رنز کی جارحانہ اننگ کھیل کر لیگ میں اپنے دو ہزار رنز مکمل کر لئے۔

کولکتہ نائٹ رائیڈرز کے آل راؤنڈر آندرے رسل نے گزشتہ روز یہ کارنامہ پونے کے ایم سی اے اسٹیڈیم میں سن رائزرز حیدرآباد کے خلاف اپنی ٹیم کے میچ کے دوران انجام دیا۔

میچ کے دوران، انہوں نے 28 گیندوں میں 49* کی شاندار ناقابل شکست اننگز کھیلی، جس میں 3 چوکے اور 4 چھکے شامل تھے۔

آل راؤنڈر آندرے رسل نے اب تک آئی پی ایل کا ٹھوس سیزن گزارا ہے، انہوں نے 11 اننگز میں 41.25 کی اوسط سے 330 رنز بنائے ہیں۔ ان کا انفرادی بہترین اسکور 70 رنز ناٹ آؤٹ ہے۔

وہ ٹورنامنٹ میں اب تک ایک نصف سنچری بنا چکے ہیں۔

آندرے رسل نے سیم بلنگس کے ساتھ مل کر 63 رنز کی شراکت داری بنائی اور اپنی ٹیم کو 20 اوورز میں 6 وکٹوں کے نقصان پر 177 رنز کا مظبوط ٹوٹل فراہم کیا۔

آندرے رسل نے بیٹنگ کے علاوہ اپنی نپی تلی بالنگ سے بھی کولکتہ نائٹ رائیڈرز کی کامیابی میں اہم کردار ادا کیا، انہوں نے سن رائزرز حیدرآباد کے تین کھلاڑیوں کو آؤٹ کیا.

کولکتہ نائٹ رائیڈرز نے یہ میچ 54 رنز سے جیت لیا۔