انڈین پریمئیر لیگ کے اہم میچ میں آل راؤنڈر آندرے رسل نے 49 رنز کی جارحانہ اننگ کھیل کر لیگ میں اپنے دو ہزار رنز مکمل کر لئے۔
کولکتہ نائٹ رائیڈرز کے آل راؤنڈر آندرے رسل نے گزشتہ روز یہ کارنامہ پونے کے ایم سی اے اسٹیڈیم میں سن رائزرز حیدرآباد کے خلاف اپنی ٹیم کے میچ کے دوران انجام دیا۔
میچ کے دوران، انہوں نے 28 گیندوں میں 49* کی شاندار ناقابل شکست اننگز کھیلی، جس میں 3 چوکے اور 4 چھکے شامل تھے۔
آل راؤنڈر آندرے رسل نے اب تک آئی پی ایل کا ٹھوس سیزن گزارا ہے، انہوں نے 11 اننگز میں 41.25 کی اوسط سے 330 رنز بنائے ہیں۔ ان کا انفرادی بہترین اسکور 70 رنز ناٹ آؤٹ ہے۔
وہ ٹورنامنٹ میں اب تک ایک نصف سنچری بنا چکے ہیں۔
Advertisement
آندرے رسل نے سیم بلنگس کے ساتھ مل کر 63 رنز کی شراکت داری بنائی اور اپنی ٹیم کو 20 اوورز میں 6 وکٹوں کے نقصان پر 177 رنز کا مظبوط ٹوٹل فراہم کیا۔
آندرے رسل نے بیٹنگ کے علاوہ اپنی نپی تلی بالنگ سے بھی کولکتہ نائٹ رائیڈرز کی کامیابی میں اہم کردار ادا کیا، انہوں نے سن رائزرز حیدرآباد کے تین کھلاڑیوں کو آؤٹ کیا.
کولکتہ نائٹ رائیڈرز نے یہ میچ 54 رنز سے جیت لیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
