اٹالین اوپن ٹینس کے فائنل میں مسلسل 5 ویں بار ٹائٹل جیتنے والی ایگا شوامٹیک ٹینس کی عالمی درجہ بندی میں نمبر ایک پر پہنچ گئی ہیں۔

پولینڈ سے تعلق رکھنے والی ایگا نے 2020 میں رولینڈ گیروس میں ٹائٹل جیتا تھا، وہ نئی ڈبلیو ٹی اے رینکنگ میں دفاعی فرنچ اوپن چیمپئن باربورا کریجکووا سے 2,000 پوائنٹس آگے ہے۔
اتوار کو روم میں لگاتار پانچواں ٹورنامنٹ جیتنے والی ایگا شوامٹیک  پیر کو عالمی نمبر ایک کے طور پر اپنی جگہ مضبوط کرنے کے بعد ٹاپ سیڈ کے طور پر فرنچ اوپن میں جائیں گی۔

اپنی کامیابی پر ایگا شوامٹیک کا کہنا تھا کہ مجھے یقین نہیں آ رہا ہے کہ کیرئیر کے ابتدا میں ہی یہ مقام مل جائے گا، میری کوشش ہو گی کہ میں اس مقام کو لمبے عرصے تک برقرار رکھ سکوں۔

تیونس کے میڈرڈ اوپن چیمپیئن اونس جبیور، جو اٹالین اوپن کے فائنل میں سویٹیک سے ہار گئے تھے، کیریئر کے سب سے بڑے چھٹے نمبر پر پہنچ گئے۔

کوکو گاف تین درجے گر کر 18 ویں نمبر پر آگئی ہیں جبکہ سابق نمبر ایک سیمونا ہالیپ 19 نمبر پر ٹاپ 20 میں واپس آگئی ہیں۔

واضح رہے کہ ٹینس کی عالمی درجہ بندی میں شامل روس اور بیلاروس کے مرد و خواتین ٹینس کھلاڑیوں پر فی الحال پابندی کی تلوار لٹک رہی ہے ان پر اپنے ملک کے نام یا جھنڈے تلے کھیلنے پر بھی پابندی ہے۔