یاسمین راشد نے کہا ہے کہ راناثناءاللہ ہاتھ لگ گئے تو ہم انہیں نہیں چھوڑیں گے۔

پاکستان تحریک انصاف کی رہنما ڈاکٹر یاسمین راشد نے میڈیا سے گفتگو کرتے ہوئے کہا ہے کہ امید ہے سپریم کورٹ ہمارے لیے بھی ازخود نوٹس لے گا، ہمارے ورکرکو پل سے پھینکا گیا۔

انہوں نے کہا کہ پولیس اہلکارکی جان ضائع ہونے پرافسوس ہے، ہم آپ سے بدلہ لیں گے، قوم کے پیسے واپس لائیں گے، رانا ثناءاللہ دھمکیاں دے رہے ہیں، خواتین پرتشدد کرنے والے راناثناءاللہ ہاتھ لگ گئے تو ہم انہیں نہیں چھوڑیں گے۔

یاسمین راشد نے کہا کہ جتنا ظلم کرسکتے تھے رانا ثناءاللہ نے کرلیا، مریم نواز آپ کے بچے باہر بیٹھے ہوئے ہیں، پی ٹی آئی ممی پارٹی نہیں، قربان ہونے کو تیار ہیں، ہم نے کفن باندھ لیے، چوروں کو بھگا کر رہیں گے۔

پاکستان تحریک انصاف کی رہنما نے کہا کہ گھروں کے دروزاے توڑ کر پولیس اندر داخل ہوئی، مرد پولیس اہل کاروں نے گھسیٹا، ڈنڈے برسائے گئے، تھانے میں درخواست دی، تحقیقات کی جائے کون سے گلوبٹ تھے۔

انہوں نے کہا کہ ہماری درخواست تھانے میں نہیں لی گئی، اس طرح کی بر بریت کبھی نہیں دیکھی، بچوں اورخواتین پرشیلنگ کی گئی۔