چوہدری پرویزالہٰی نے کہا ہے کہ یہ عمران خان کے بڑے بڑے جلسوں سے خوفزدہ ہیں۔

اسپیکر پنجاب اسمبلی چوہدری پرویزالہٰی نے کہا ہے کہ پولیس والےکیا وہاں ڈاکو مارنےگئے تھے؟ کسی کے گھرمیں گھسیں گے تو لوگ یہی سمجھیں گے کہ ڈاکو آیا ہے۔

انہوں نے کہا کہ کوئی گھرمیں گھسے تو کسی کوکیا پتہ وہ چور ہے یا ڈاکو، پولیس کانسٹیبل کے ساتھ وہی ہوا جو ڈاکو کے ساتھ ہوتا ہے، بات کرنے والےعمران خان سے بات کرینگے تو بات آگے بڑھے گی۔

چوہدری پرویزالہٰی نے کہا ہے کہ عمران خان کی کال پرسب اسلام آباد پہنچیں گے، رانا ثناءاللہ کا ریاست کے اندر ریاست کا بیان موجود ہے، عدالت لگنے پر رانا ثناءاللہ کا بیان پیش کردیا جائے گا۔

اسپیکر پنجاب اسمبلی نے کہا ہے کہ رانا ثناءاللہ سانحہ ماڈل ٹاؤن کا سرغنہ اورسب سے بڑا مجرم ہے، گھروں کے دروزاے توڑ کر پولیس اندر داخل ہوئی، ان کے اپنے گھروں میں خواتین نہیں ہیں کیا؟

انہوں نے کہا کہ چیف سیکریٹری سمیت تمام ملازمین سے حساب لیا جائے گا، کارکنوں کے گھروں میں گھس کرہراساں کیا جا رہا ہے، یہ لوگ جو بو رہے ہیں اسکا حساب لیا جائے گا۔

چوہدری پرویزالہٰی نے کہا ہے کہ یہ عمران خان کے بڑے بڑے جلسوں سے خوفزدہ ہیں، شہبازشریف اوراسکے بیٹے نے ظلم کی انتہا کر دی، عمران خان نے آزادی مارچ کا پروگرام بہت پہلے دیا تھا۔

اسپیکر پنجاب اسمبلی نے کہا ہے کہ چادراورچاردیواری کا تقدس پامال کیا جا رہا ہے، ایم پی ایزکے گھروں میں رات گئے چھاپے مارے گئے۔