اب الیکشن کے بعد ہی پارلیمان میں جائیں گے، فواد چوہدری

ویب ڈیسک

12th May, 2022. 12:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اب الیکشن کے بعد ہی پارلیمان میں جائیں گے، فواد چوہدری

پاکستان تحریکِ انصاف (پی ٹی آئی) کے رہنما، سابق وفاقی وزیر فواد چوہدری کا کہنا ہے کہ اب الیکشن کے بعد ہی پارلیمان میں جائیں گے۔

میڈیا سے گفتگو کرتے ہوئے سابق وفاقی وزیر فواد چوہدری نے کہا کہ وزیر داخلہ رانا ثنا اللہ سے ہر قسم کی توقع کی جاسکتی ہے لیکن وزیر قانون پڑھا لکھا بندہ ہے تارڑ سے یہ امید نہیں تھی۔

فواد چوہدری نے کہا کہ مسجد نبوی کے احاطے میں جو ہوا وہ نہیں ہونا چاہیے تھا یہ لوگ جس جگہ جاتے ہیں یہی نعرے لگاتے ہیں، لوگوں کے جذبات ہیں جو نعروں کی شکل میں باہر نکلتے ہیں۔

انہوں نے کہا کہ عمران خان سعودیہ عرب میں پاکستانیوں کو آزاد کروا رہا ہے آپ گرفتار کروا رہے ہیں، جہلم جلسے میں چوکیدار کا لفظ جس کے لیے استعمال کیا اس کو معلوم ہے۔

رہنما پی ٹی آئی کا کہنا تھا کہ جج صاحب کو بھی بتادیا کہ پارلیمان سے مستعفی ہوچکے ہیں، اب الیکشن کے بعد ہی پارلیمان میں جائیں گے۔