ٹویٹر، بحران میں غلط معلومات کی ٹویٹس غائب کردے گا- بول نیوز

ٹویٹر، بحران میں غلط معلومات کی ٹویٹس غائب کردے گا

ویب ڈیسک

20th May, 2022. 12:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹویٹر، بحران میں غلط معلومات کی ٹویٹس غائب کردے گا

خبردار وہ دن دور نہیں جب ٹویٹر، جنگ یا عالمی وبا کے دوران غلط معلومات پر مبنی ٹویٹ ازخود غائب کردے گا اور لاکھ ٹویٹس کے باوجود وہ دوسروں کی نگاہوں میں نہیں آسکیں گے۔

اس کے علاوہ غلط معلومات پھیلانے والی ٹویٹس ، افواہوں پر مبنی پوسٹس کی بھی بھرپور حوصلہ شکنی کی جائے گی۔ جمعرات کو ٹویٹر نے باضابطہ طور پر اس کا اعلان بھی کردیا ہے۔

ٹویٹر میں سیفٹی کے سربراہ یویئل روتھ نے کہا ہے کہ ماڈریشن یہ نہیں کہ کس ٹویٹ کو ایسے ہی چھوڑنا ہے اور کسے حذف کرنا ہے۔ بلکہ ہم نے غلط معلومات کا احساس کرتے ہوئے بہت سارے ردِ عمل پر غور کیا ہے جس کا انحصار معلومات کی مضر اثرات پر ہوگا۔

نئی پالیسی کے تحت بالخصوص جن واقعات پر نظر رکھی جائے گی ان میں غلط اور گمراہ کن رپورٹنگ، بے بنیاد الزامات، اسلحہ اور طاقت کا استعمال اور کسی پر ظلم و جبر کی غلط معلومات بھی ہوسکتی ہے۔

ٹویٹر کے مطابق بحران اور غیریقینی کیفیات میں افواہیں اور غلط معلومات تیزی سے پھیلتی ہیں اور لوگ ان کا یقین کرلیتے ہیں۔ یہاں تک کہ ان عام تصدیق بھی مشکل ہوجاتی ہے۔ یہی وجہ ہے کہ غلط معلومات اور افواہوں پر ایکشن لیا جائے گا۔