شدید گرمی کے بعد محکمہ موسمیات نے بارشوں کی نوید سنادی

ویب ڈیسک

13th May, 2022. 03:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید گرمی کے بعد محکمہ موسمیات نے بارشوں کی نوید سنادی

ملک بھر میں شدید گرمی اور ہیٹ ویو کے بعد محکمہ موسمیات کی جانب سے بارشوں کی نوید سنادی گئی ہے۔

محکمہ موسمیات کے مطابق کشمیر، گلگت بلتستان میں تیز ہواؤں اور گرج چمک کے ساتھ بارش کی توقع ہے۔

محکمہ موسمیات نے بتایا ہے کہ آئندہ چند گھنٹوں کے دوران کشمیرمیں مطلع جزوی ابر آلودر ہنے کے علاوہ تیز ہواؤں اورگرج چمک کے ساتھ بارش کی توقع ہے۔

اسکے علاوہ گلگت بلتستان نگر،غذر، ہنزہ، استور اوربابوسر میں مطلع جزوی ابر آلودر ہنے کے علاوہ تیز ہواؤں اورگرج چمک کے ساتھ بارش کی توقع ہے۔

دوسری جانب محکمہ موسمیات نے بتایا ہے کہ سندھ کے بیشترعلاقے شدید گرمی کی لپیٹ میں رہیں گے جبکہ وسطی اور جنوبی میدانی اضلاع میں بعداز دوپہر گردآلود ہواؤں کی توقع ہے۔

پنجاب کے بیشتر اضلاع میں موسم گرم اورخشک جبکہ میدانی علاقے شدیدگرمی کی لپیٹ میں رہیں گے۔ تاہم میدانی علاقوں میں بعد دوپہر گرد آلود ہوائیں چلنے کی توقع ہے۔

اسلام آباد میں موسم گرم اور خشک رہے گا تاہم شام اور رات کے دوران گرد آلود ہوائیں چلنے کا امکان ہے۔

خیبر پختونخوا کے بیشتر اضلاع میں موسم گرم اورخشک جبکہ میدانی علاقے شدید گرمی کی لپیٹ میں رہیں گے۔

بلوچستان کے بیشتر علاقے شدید گرمی کے زیر اثر رہیں گے تاہم بعداز دوپہرگردآلود ہواؤں اور جھکڑ کی توقع ہے۔