پاکستان ویمن ٹیم نے سری لنکا  کو تیسرے اور آخری ٹی ٹوئنٹی میچ میں  سنسنی خیز مقابلے کے بعد 4 وکٹوں سے شکست دے دی۔

تفصیلات کے مطابق کراچی کے نیشنل اسٹیڈیم میں کھیلے گئے اس میچ میں سری لنکا نے ٹاس جیت کر پہلے بیٹنگ کا فیصلہ کیا۔

سری لنکا نے  مقررہ 20 اوور ز میں   8 وکٹوں کے نقصان پر 107 رز بنائے اور میزبان ٹیم کو جیت کے لئے 108 رنز کا ہدف دیا۔

https://twitter.com/TheRealPCB/status/1530494083717861377?cxt=HHwWgsC47dOQtL0qAAAA

سری لنکا کی جانب سے  کپتان چماری اتھاپاتھت  37 رنز بنا کر نمایاں بلے باز رہیں،ہسینی پیرا 24،سگندیکا کماری 10 جبکہ انوشکا سنجیوانی 14 رنز بنا کر ناقابل شکست رہیں۔

پاکستان کی جانب سے  طوبیٰ حسن،کائنات امتیاز اور ندا ڈار نے 1،1 وکٹ حاصل کی۔

سری لنکا کی جانب سے دیا گیا ہدف پاکستان نے آخری اوور کی آخری گیند پر  6 وکٹوں کے نقصان پر حاصل کر لیا۔

https://twitter.com/TheRealPCB/status/1530525413876846592?cxt=HHwWgMCy3aewwr0qAAAA

پاکستان کی جانب سے منیبہ علی 25 رنز بنا کر نمایاں بلے باز رہیں،عالیہ ریاض 17،ندا ڈار 14،عائشہ نسیم 10 جبکہ کپتان بسمہ معروف  نے ناقابل شکست 15 رنز بنائے۔

سری لنکا کی جانب سے اوشادی راناسنگھ نے 3،کویشا دلھاری  نے 2 جبکہ سگندیکا کماری نے 1 وکٹ حاصل کی۔

پاکستانی کپتان بسمہ معروف کو مین آف دی میچ کا ایوارڈ دیا گیا جبکہ پہلے ٹی ٹوئنٹی میچ میں ڈیبیو کرنے والی لیگ اسپنر طوبیٰ حسن کو سیریز کا بہترین کھلاڑی قرار دیا گیا۔

واضح رہے کہ پاکستان نے پہلا ٹی ٹوئنٹی  6 وکٹوں سے جبکہ دوسرا میچ 7 وکٹوں سے جیتا تھا۔

دونوں ٹیموں کے درمیان ون ڈے سیریز کا آغاز 1 جون سے ہوگا۔