آپٹیکل الیوژنز (بصری دھوکے) تو آپ نے بہت دیکھے ہوں گے، لیکن اس بار جو الیوژن ہم لے کر آئے ہیں اس نے صرف آنکھوں کو ہی نہیں بلکہ دماغ کو بھی دھوکہ دے دیا ہے۔

اس نظری دھوکے کے حوالے سے کہا جارہا ہے کہ اسے دیکھنے والے لوگ اس بات پر متفق نہیں ہو سکتے کہ وہ کون سے رنگ دیکھ رہے ہیں۔

زیرِ بحث تصویر میں درازوں کا ایک کیبنیٹ دکھایا گیا ہے، کچھ لوگوں کا خیال ہے کہ وہ گلابی اور سفید ہیں، لیکن دوسروں کو یقین ہے کہ وہ نیلے اور سرمئی ہیں۔

ایک Reddit صارف نے اس وہم کو ‘تہذیب کا قاتل’ قرار دیا ہے۔ کیونکہ کوئی بھی اس کے حقیقی رنگوں پر متفق نہیں ہو سکا، اور یہ جھگڑوں کا باعث بن رہی ہے۔ جلد ہی لوگوں نے پوسٹ پر ڈھیروں تبصرے شروع کر دیے۔

بحث خوش اسلوبی سے شروع ہوئی لیکن جلد ہی لوگ کمنٹ سیکشن میں بحث کرنے لگے اور پھر لوگوں نے کہا کہ انہوں نے یہ تصویر اپنے خاندان کے ساتھ شیئر کی اور اس پر ان سے بحث بھی کی۔

Reddit پر تصویر شیئر کرتے ہوئے، اصل پوسٹر نے لکھا، “پنک اینڈ وائٹ یا بلیو اینڈ گرے؟”

ایک صارف نے جواب دیا، “مجھے گلابی اور سفید نظر آرہا ہے اور میرا بوائے فرینڈ جو میرے بالکل ساتھ ہے کہتا ہے کہ یہ گرے اور منٹ ہے۔”

ایک اور نے مزید کہا، “اگر دن کی روشنی اس سے ٹکرائے تو یہ سفید اور گلابی نظر آتا ہے۔ اگر آپ کو لگتا ہے کہ اس پر گلابی روشنی پڑ رہی ہے (جیسا کہ اوپر تصویر کا فریم ہے)، تو یہ سرمئی اور منٹ لگتا ہے۔”

پھر ایک تیسرے نے لکھا، “ایک گرم محیطی روشنی اس دراز کا رنگ سفید نہیں دکھائے گی لہٰذا میری آنکھیں مجھے بتاتی ہیں کہ تجربہ کی بنیاد پر اسے نیلا ہونا چاہیے۔”

لیکن جلد ہی لوگ اس بحث سے تھکنے لگے، جیسا کہ ایک نے کہا ” دوبارہ نہیں”۔

دوسرے نے کہا، “مزید تہذیب کو مارنے والی رنگین پہیلیاں نہیں۔”