ڈونلڈ ٹرمپ نے ایلون مسک کو ٹوئٹر خریدنےکی ترغیب دی، سی ای او ٹرتھ سوشل

ویب ڈیسک

09th May, 2022. 12:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ نے ایلون مسک کو ٹوئٹر خریدنےکی ترغیب دی، سی ای او ٹرتھ سوشل

سابق امریکی صدر ڈونلڈ ٹرمپ کے سوشل میڈیا پلیٹ فارم کے سی ای او نے کہا ہے کہ ڈونلڈ ٹرمپ نے ایلون مسک کو ٹوئٹرخریدنےکی ترغیب دی۔

غیر ملکی خبر رساں ایجنسی کے مطابق ڈونلڈ ٹرپ کے سوشل میڈیا پلیٹ فارم ’ ٹرتھ سوشل‘ کے چیف ایگزیکٹو آفیسرنے کہا ہے کہ سابق امریکی صدر ڈونلڈ ٹرمپ پرمائیکرو بلاگنگ ویب سائٹ ٹوئٹرکی جانب سے مکمل طور پر پابندی عائد کردی گئی تھی ۔

ٹرتھ سوشل کے سی ای او ڈیون نیونز کا کہنا ہے کہ ڈونلڈ ٹرمپ پرعائد کی جانے والی پابندی نے ایلون مسک کے اس پلیٹ فارم کوخریدنے کی ترغیب دی کیوں کہ کسی نہ کسی کوتواس ظالم ٹیکنالوجی جائنٹ کو خریدنا ہی تھا۔

دوسری جانب اسپیس ایکس اورٹیسلا کے بانی ایلون مسک نے امریکی اخبارات میں شایع ہونے والی اس خبرکوغلط قرار دیتے ہوئے کہا ہے کہ اس معاملے پر میری ڈونلڈ ٹرمپ سے بلواسطہ اور بلاواسطہ کوئی بات نہیں ہوئی۔

یاد رہے کہ ایلون مسک نے گزشتہ ماہ ٹوئٹر کو 44 ارب ڈالر نقد رقم کے عوض خریدا ہے۔ جب کہ اپریل کے آغاز میں انہوں نے ٹوئٹر کے 9 اعشاریہ 2 فیصد حصص خرید لیے تھے۔