بلوچستان کے یونین کونسل کے سطح پر ہونے والے بلدیاتی انتخابات میں آزادامیدواروں کو واضح برتری حاصل ہوئی تاہم ن لیگ کو بری طرح شکست کا سامنا کرنا پڑا ہے۔

غیر سرکاری نتائج کے مطابق صوبے میں آزادامیدواروں کو واضح برتری حاصل ہوئی جبکہ دوسری بی اے پی اور تیسری پوزیشن قوم پرست جماعتوں نے حاصل کی ہے۔

غیر سرکاری اور غیرحتمی نتائج کے مطابق صوبے میں آزادامیدواروں نے مجموعی طورپر 1487 نشستیں حاصل کرکے صوبہ بھر میں سب سے زیادہ نشستیں حاصل کی جبکہ دوسرے نمبر پر بلوچستان عوامی پارٹی (بی اے پی) 327 نشستیں لے کر صوبہ بھر میں دوسری پوزیشن پر آئی۔

صوبہ بھر سے 100 نشستیں حاصل کرنے والی نیشنل پارٹی کا پلڑا بھی بھاری رہا جبکہ چوتھی پوزیشن پر پشتونخوا میپ نے 87 نشستیں حاصل کیں۔

اختر مینگل کی جماعت بی این پی کی 79سیٹیں ہیں جبکہ پیپلزپارٹی نے 58سیٹوں پر کامیابی سمیٹی ہے اور بلوچستان کی بی این پی عوامی نے 43سیٹیں حاصل کی ہیں۔

اسکے علاوہ پاکستان تحریک انصاف نے 23سیٹیں حاصل کی ہیں اور اے این پی نے 24سیٹوں پر کامیابی سمیٹی ہے۔

خیال رہے کہ قلعہ عبداللہ، نوشکی، چمن، تربت، سبی، نصیرآباد، دکی  اور چاغی سے ووٹرز اور امیدواروں کے سپورٹرز کے درمیان تصادم کے واقعات بھی رپورٹ ہوئے۔

اسکے علاوہ 1974 پولنگ اسٹیشنز کو حساس اور 2034  کو انتہائی حساس قرار دیا گیا تھا۔

بم دھماکے، ہینڈ گرینڈ حملے اور لڑائی جھگڑے سے پولنگ کے دوران 2 افرادکی ہلاکت اور متعددافرادکے زخمی ہوئے۔