امن کی خواہش کو پاکستان کی کمزوری نہ سمجھا جائے، نیول چیف

ویب ڈیسک

27th May, 2022. 01:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امن کی خواہش کو پاکستان کی کمزوری نہ سمجھا جائے، نیول چیف

چیف آف دی نیول اسٹاف ایڈمرل محمد امجد خان نیازی نے کہا ہے کہ امن کی خواہش کو ہماری کمزوری نہ سمجھا جائے۔

پاکستان نیوی وار کالج لاہور میں پاک بحریہ کے 51ویں اسٹاف کورس کی کانووکیشن تقریب کا انعقاد کیا گیا۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی نے تقریب میں بطور مہمان خصوصی شرکت کی۔

ترجمان پاک بحریہ نے بتایا کہ تقریب میں کورس مکمل کرنے والے 98 افسران کو ماسٹرز ڈگری تفویض کی گئی۔

ترجمان کا کہنا تھا کہ کورس میں پاکستان کی مسلح افواج کے علاوہ دوست ممالک کے 32 افسران بھی شریک تھے۔

تقریب سے خطاب کرتے ہوئے نیول چیف نے کہا کہ پاکستان ایک امن پسند ملک ہے لیکن ہماری امن کی خواہش کو ہماری کمزوری نہ سمجھا جائے۔

ایڈمرل محمد امجد خان نیازی نے کہا کہ پاکستان کو ایک جارح دشمن کا سامنا ہے جو اپنی روایتی جنگی استعداد میں مسلسل اضافہ کر رہا ہے۔

امیر البحر نے کہا کہ خطے کی بدلتی ہوٸی میری ٹاٸم صورتحال ہمہ وقت چوکس و تیار رہنے کی متقاضی ہے۔

قبل ازیں کالج کے کمانڈانٹ نے کورس کے دوران شرکاء کی مختلف پیشہ وارانہ اور علمی سرگرمیوں کا جائزہ پیش کیا۔