افسوس کی بات ہے عمران خان کے ایک سپاہی سے یہ لوگ اتنا خوفزدہ ہیں، حلیم عادل شیخ

ویب ڈیسک

16th May, 2022. 02:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افسوس کی بات ہے عمران خان کے ایک سپاہی سے یہ لوگ اتنا خوفزدہ ہیں، حلیم عادل شیخ

حلیم عادل شیخ نے کہا ہے کہ بڑے افسوس کی بات ہے عمران خان کے ایک سپاہی سے یہ لوگ اتنا خوفزدہ ہیں۔

اپوزیشن لیڈر سندھ اسمبلی حلیم عادل شیخ نے وڈیو بیان میں کہا ہے کہ تین دن سے مجھ پر جھوٹے کیسز بنا کر پوری کراچی پولیس میرے پیچھے لگائی ہوئی ہے۔

انہوں نے کہا کہ ہفتے کے دن ساڑے تین گھنٹے عدالت میں قبل از گرفتاری ضمانت کے لئے کھڑا رہا جو میرا قانونی حق تھا، ہمیں اطلاع دی گئی کہ ججز کم ہیں اور وقت ختم ہوگیا ہے، جس کے بعد تین بار میرے گھر پر چھاپے مار کر فیملی کو حراساں کیا گیا ہے۔

حلیم عادل شیخ نے کہا ہے کہ اس وقت سندھ ہائی کورٹ کے باہر پولیس نے گھیرا لگایا ہوا ہے تاکہ حلیم عادل شیخ عدالت نہ پہنچ سکے، میں عدالت میں خود کو پیش کر چکا تھا لیکن انصاف نہیں ملا، اس پر بھی چیف جسٹس صاحب کو سوموٹو نوٹس لینا چاہیے۔

اپوزیشن لیڈر سندھ اسمبلی نے کہا کہ آج پولیس نے گھیرا لگایا ہوا کہ میں عدالت نہ پہنچ سکوں اور مجھے گرفتار کیا جاسکے، عزت ، زلت ، رزق سب اللہ پاک کے ہاتھ میں ہے، زرداری کے ہاتھ میں کچھ نہیں۔