وفاقی وزیر منصوبہ بندی احسن اقبال نے کہا ہے کہ انتہا پسندی کا مسلہ دنیا میں پھیل چکا ہے ،ان اسباب کا حل مل بیٹھ کر تلاش کرنا ہوگا ۔

وفاقی وزیر منصوبہ بندی احسن اقبال نے بین الاقوامی امن کانفرنس سے خطاب کرتے ہوئے کہا کہ ہمارا مذہب انسانیت کا درس دیتا ہے، کسی انسانی جان بچانا انسانیت کو بچانے کا ثواب ہے۔

انہوں نے کہا کہ مجھے نئی زندگی ملی تو میں نے فلاحی کاموں کا سوچا اور فیصلہ کیا ایسا ادارہ بنایا جائے، جہاں اسلام کا امن کا درس ہو۔

انہوں نے مزید کہا کہ کسی کو مذہب, لباس کی وجہ سے روند دینا انتہا پسندی ہے، انتہا پسندی رویہ دنیا بھر کے ممالک میں موجود ہے ۔

ان کا کہنا تھا کہ انتہا پسندی نفرت پیدا کردیتی ہے، نفرت میں عقل پر پردے پڑ جاتے ہیں جس کی وجہ سے انسان اشرف المخلوقات ہے انتہا پسندی سے وحشی جانور بن جاتا ہے ۔

وفاقی وزیر کا کہنا تھا کہ آسٹریلوی باشندے نے مسجد میں جاکر مسلمانوں کو گولیاں ماری، امریکہ جیسے ملک میں بچوں پر جاکر گولیاں برسا کر غصہ نکالنا انتہا پسندی کی علامت ہے ، کسی جگہ نان اسٹیٹ ایکٹز کے ذریعے پھیل رہی ہے  اور بھارت جیسے ملک میں انتہا پسندی سرکاری سر پرستی میں انتہا پسندی ہورہی ہے ۔

انہوں نے کہا کہ کسی ایک خطے میں لگی آگ پوری دنیا کو اپنی لپیٹ میں لے لیتی ہے  جیسے کہ روس اور یوکرین سے پوری دنیا متاثر ہورہی ہے جس کی وجہ سے پوری دنیا میں سپلائی چین متاثر اور مہنگائی بڑھی ہے ۔