پاک فضائیہ کسی بھی چیلنج کا جواب دینے کے لئے تیار ہے، ائیر چیف

ویب ڈیسک

25th May, 2022. 12:22 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فضائیہ کسی بھی چیلنج کا جواب دینے کے لئے تیار ہے، ائیر چیف

ائیر چیف مارشل ظہیر احمد بابر سدھو نے کہا ہے کہ پاک فضائیہ پاکستان کی سلامتی کو درپیش کسی بھی چیلنج کا جواب دینے کے لئے ہمہ وقت تیار ہے۔

پاک فضائیہ کے ترجمان کی طرف سے جاری کردہ بیان میں کہا گیا ہے کہ سربراہ پاک فضائیہ ائیر چیف مارشل ظہیر احمد بابر سدھو نے کمانڈ اینڈ سٹاف کالج کوئٹہ اور نمبر ۱۲ کور ہیڈ کوارٹرز کا دورہ کیا ہے۔

ترجمان پاک فضائیہ کے مطابق سربراہ پاک فضائیہ نے دفاع پاکستان کو ناقابل تسخیر بنانے میں پاکستان آرمی کی جنگی صلاحیتوں کو سراہا۔

اس موقع پر سربراہ پاک فضائیہ ائیر چیف مارشل ظہیر احمد بابر سدھو نے کہا کہ پاک فضائیہ ملک کو درپیش سیکیورٹی چیلنجز کا بخوبی ادراک رکھتی ہے اور اپنے آپریشنل منصوبوں کو عملی جامہ پہنانے کیلئے سرگرم عمل ہے۔

انہوں نے کہا کہ دورحاضر کی جنگ میں ائیر پاور، عسکری قوت کا ایک موثر عنصر بن چکی ہے، پاک فضائیہ پاکستان کی سلامتی کو درپیش کسی بھی چیلنج کا جواب دینے کے لئے ہمہ وقت تیار ہے۔

سربراہ پاک فضائیہ ائیر چیف مارشل ظہیر احمد بابر سدھو نے مزید کہا کہ ہم تمام لوگ جنہوں نے یونیفارم زیب تن کیا ہے ان کا ہر وقت عملی طور پر تیار رہنا اس ملک اور اس کے شہریوں کے دفاع کیلئے ہمارا اولین فریضہ ہے۔