چاچا کرکٹ نے بھی شاہد آفریدی کو عمران خان کی حکومت کے خلاف متنازعہ بیان پر تنقید کا نشانہ بنا دیا۔

چاچا کرکٹ گزشتہ پچاس سال سے گراؤنڈز میں شائقین کرکٹ کا جوش گرماتے آرہے ہیں، پاکستانی ٹیم کا کہیں بھی میچ ہو چاچا کرکٹ ہمیں اسی گراونڈ میں نظر آتے ہیں۔

تاہم متعدد فنکاروں کے بعد اب چاچا کرکٹ نے بھی شاہد آفریدی کو عمران خان کی حکومت کے خلاف متنازعہ بیان اور شہباز شریف کی حمایت کرنے پر آڑے ہاتھوں لے لیا ہے۔

چاچا کرکٹ نے کہا کہ میں 1983 سے عمران خان کو جانتا ہوں اور انہیں کہیں مرتبہ گراؤنڈز میں مِل چُکا ہوں، انہوں نے کہا کہ اللہ کچھ خاص کاموں کے لئے کچھ خاص لوگوں کو منتخب کرتا ہے، چاچا کرکٹ کا کہنا تھا کہ عمران خان جب وزیرِاعظم نہیں بھی تھا تو اس نے کئی کینسر کے اسپتال بنائے کئی یون یونیورسٹی بنائیں اور لوگوں کی خدمت کی۔

انہوں نے کہا کہ لوگوں کو عمران خان سے بڑی اُمیدیں ہیں اور ہونی بھی چاہیئے کیونکہ ان کے علاوہ سب چور ڈکیت ہیں، چاچا کرکٹ نے مزید کہا کہ عمران خان عالمِ اسلام کے ایک بڑے لیڈر ہیں اور یہ بات طیب اردوان بھی کہہ چکے ہیں جوکہ خود مسلمانوں کے ایک بڑے لیڈر ہیں اور دنیا بھر میں مسلمانوں کی نمائندگی کرتے ہیں۔

 چاچا کرکٹ نے مزید کیا کہا دیکھیں کاکا رپورٹر اور چاچا کرکٹ کا انٹرویو۔