وزیراعلیٰ بلوچستان نے کہا کہ پاک فوج بھی آگ بجھانے کے آپریشن میں حصہ لے رہی ہے۔

وزیراعلیٰ بلوچستان میر عبدالقدوس بزنجو اور وفاقی وزیر مولانا عبدالواسع کے درمیان ٹیلیفونک رابطہ ہوا جس میں وزیراعلیٰ اور وفاقی وزیر نے آگ کے باعث ہونے والے جانی و مالی نقصانات پر افسوس کا اظہار کیا۔

دونوں رہنماؤں کے درمیان ضلع شیرانی کے جنگلات میں لگنے والی آگ اور اس حوالے سے حکومتی اقدامات پر تبادلہ خیال ہوا۔

ملاقات میں دونوں رہنماؤں نے آگ کے پھیلاؤ اور اس سے پیدا ہونے والی صورتحال پر تشویش کا اظہار کیا۔

وزیراعلیٰ بلوچستان میر عبدالقدوس بزنجو نے کہا کہ محکمہ جنگلات پی ڈی ایم اے اور ضلعی انتظامیہ کو آگ پر قابو پانے کے لئے تمام وسائل برؤے کار لانے کی ہدایت کی گئی ہے۔

میر عبدالقدوس بزنجو نے یہ بھی کہا کہ این ڈی ایم اے سے بھی معاونت کی فراہمی کی درخواست کی گئی ہے، آگ بجھانے  کے آپریشن کے لیۓ فراہم کیۓ گیۓ ہیلی کاپٹر ز کو لاجسٹک سپورٹ دی جارہی ہے۔

وزیراعلیٰ بلوچستان میر عبدالقدوس بزنجو نے مزید کہا کہ پاک فوج بھی آگ بجھانے کے آپریشن میں حصہ لے رہی ہے، صوبائی حکومت آگ سے متاثرہ لوگوں اور جنگلات کی بحالی کے لیۓ ہر ممکن اقدامات کریگی۔

واضح رہے کہ پاکستان میں آج کل نوجوانوں کے سر پر ٹک ٹاک کا بھوت سوار ہے اور وہ چند سیکنڈزکی ویڈیو بنانے کے لیے کسی بھی حد تک جاسکتے ہیں ، ایسے میں وہ اپنی یا پھر دوسروں کی جان کی پروا کیے بغیر ویڈیو بنانے میں مگن رہتے ہیں۔

سوشل میڈیا پر ان دنوں ٹک ٹاکرز کی جانب سے متعارف کروایا گیا نیا ٹرینڈ وائرل ہورہا ہے جو نہ صرف ان کے لیے خطرناک ہوسکتا ہے بلکہ وہ دیگر انسانوں سمیت جانوروں کے لیے بھی ڈراؤنا خواب ثابت ہوسکتا ہے ، یہ ٹک ٹاکرز اپنی حرکتوں سے قدرتی نعمت کو بھی نقصان پہنچا رہے ہیں۔

سماجی رابطے کی ویب سائٹ پر چند نوجونواں کی ویڈیوز وائرل ہورہی ہیں جنہوں نے ٹک ٹاک پر مختصر ویڈیو بنانے کے لیے جنگلات میں آگ لگائی اور پھر اپنی ویڈیو بنانے کے بعد وہاں سے چل پڑے۔

اسلام آبادین نامی ٹوئٹر ہینڈل سے ایک ویڈیو شیئر کی گئی جس میں ایک لڑکی کو ماڈلنگ کرتے ہوئے دیکھا جاسکتا ہے جب کہ اس کے عقب میں آگ لگی ہوئی ہے ، دراصل یہ مارگلہ کی پہاڑیاں ہیں جہاں نوجوان لڑکی نے اپنی ماڈلنگ کی خاطر جنگلات  میں آگ لگائی۔

دوسری جانب ایبٹ آباد کے مقامی نوجوان نے بھی مارگلہ کی پہاڑیوں کی ویڈیو سامنے آنے کے بعد ایبٹ آباد کے جنگلات میں آگ لگاکر ٹک ٹاک کے لیے ویڈیو بنائی تاہم اسے محکمہ جنگلات نے گرفتار کرلیا ہے۔