انگلینڈ میں جاری ٹی ٹوئنٹی بلاسٹ لیگ میں پاکستان کے وکٹ کیپر بیٹسمین محمد رضوان نے مسلسل دوسرے میچ میں نصف سنچری اسکور کی۔

بین الاقوامی میڈیا کے مطابق پاکستان کے وکٹ کیپر بیٹسمین محمد رضوان ان دنوں انگلینڈ میں ٹی ٹوبنٹی بلاسٹ میں اپنا جوہر دکھا رہے ہیں۔

رضوان نے سسیکس کی جانب سے کھیلتے ہوئے مسلسل دوسرے میچ میں نصف سنچری بنائی ، لیکن ان کی ٹیم کو شکست کا سامنا کرنا پڑا۔

واضح رہے کہ محمد رضوان کا شمار ٹی ٹوئنٹی کے بہترین بیٹسمینوں میں ہوتا ہے۔ انہوں نے گزشتہ سال ٹی ٹوینٹی میں 2 ہزار سے زائد رنز بنائے تھے جو کہ ایک ورلڈ ریکارڈ بھی ہے۔

محمد رضوان کے علاوہ کوئی اور کھلاڑی یہ کارنامہ انجام نہیں دے سکا ہے.

پاکستان کے اسٹار کھلاڑی محمد رضوان ان دنوں انگلینڈ میں ٹی ٹوبنٹی بلاسٹ میں اپنا جوہر دکھا رہے ہیں۔

سسیکس کی جانب سے کھیلتے ہوئے انہوں نے مسلسل دوسرے میچ میں نصف سنچری بنائی ، لیکن ٹیم کو شکست کا سامنا کرنا پڑا۔

اس سے قبل محمد رضوان اور بھارت  کے چیتشور پجارا کو کاؤنٹی میچ میں ایک ساتھ کھیلتے ہوئے دیکھا گیا تھا۔

محمد رضوان سسیکس کی جانب سے اوپننگ کرنے آئے۔ انہوں نے ٹیم کو اچھا آغاز دلایا اور لیوک رائٹ کے ساتھ پہلی وکٹ کے لیے 5.5 اوورز میں 52 رنز بنائے۔

نمبر 3 پر اترنے والے جوز فلپ نے بھی 35 رنز بنائے اور رضوان کے ساتھ نصف سنچری کی شراکت داری کی۔

محمد رضوان 16 ویں اوور میں 43 گیندوں پر 58 رنز بنا کر آؤٹ ہوئے۔ انہوں نے 4 چوکے اور 2 چھکے لگائے۔

رضوان کے آؤٹ ہوتے ہی ٹیم لڑکھڑا گئی اور ٹیم مقررہ 20 اوورز میں 8 وکٹوں پر 152 رنز ہی بنا سکی۔ ڈیوڈ پینے نے 4 اوورز میں 22 رنز دے کر 3 وکٹیں حاصل کیں۔ نسیم شاہ نے بھی 2 وکٹیں حاصل کیں۔

اس سے پہلے محمد رضوان نے گلیمورگن کے خلاف بھی 81 رنز کی دھماکہ دار اننگز کھیلی تھی۔ انہوں نے 60 گیندوں کا سامنا کیا تھا۔ انہوں نے 6 چوکے اور 3 چھکے لگائے تھے ۔ ٹیم نے 6 وکٹوں پر 150 رنز بنائے تھے۔ گلیمورگن نے یہ میچ 7 وکٹوں سے جیت لیا تھا ۔