نویں اور دسویں جماعت کے امتحانات سے متعلق اہم اجلاس

ویب ڈیسک

16th May, 2022. 06:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نویں اور دسویں جماعت کے امتحانات سے متعلق اہم اجلاس

وزیر جامعات و بورڈز اسماعیل راہو کی صدارت نویں اور دسویں جماعت کے امتحانات سے متعلق اہم اجلاس ہوا جس میں کاپی کلچر کی روکتھام،ہیٹ ویو، سیکیورٹی انتظامات کے متعلق تبادلہ خیال کیا گیا۔

اجلاس میں سیکریٹری بورڈز مرید راھموں،کراچی ، میرپور خاص، لاڑکانہ، نوابشاہ، سکھر اور حیدرآباد کے چیئرمینز بورڈز نے شرکت کی۔

اجلاس میں فیصلہ کیا گیا کہ سندھ بھر کے تمام امتحانی مراکز میں طلبہ اور اساتذہ کے موبائل فونز لانے پر پابندی ہوگی۔

اجلاس کی زیر صدارت کرتے ہوئے وزیر بورڈز اسماعیل راہو نے کہا کہ موبائل فونزساتھ لانے والے طلبہ کو امتحانی مراکز سے باہر نکالا جائےگا۔

انہوں نے کہا کہ محکمہ بورڈز امتحانی مراکز کے انچارج کو طلبہ کو ٹھنڈہ پانی کلاس روم تک مہیہ کرنے کہ لیے سہولیات فراہم کریگا۔

وزیر بورڈز نے ہدایت دی کہ کاپی کلچرروکنےکے لیے امتحانی مراکزکےاندر اور باہر سیکیورٹی سخت کی جائے۔

اسماعیل راہو نے کہا کہ کراچی، حیدرآباد ، سکھر، لاڑکانہ ، میرپورخاص اور نوابشاہ ڈویزنز میں 1312 امتحانی مراکز قائم اور112 ویجیلنسی ٹیمیں تشکیل دی گئی ہیں۔

وزیر بورڈز اسماعیل راہو نے مزید کہا کہ کراچی سمیت سندھ بھر میں کل نویں اور دسویں جماعت کے 7لاکھ26 ھزار979 طلبہ امتحان دیں گے۔