سیشن کورٹ لاہور نے بلال یاسین پرقاتلانہ حملے کے ملزمان کی ایک اور مقدمے میں عبوری ضمانتیں کنفرم کر دیں۔

تفصیلات کے مطابق ایڈیشنل سیشن جج حسنین احمد نے میاں اسد حامد اور میاں حامد محمود کی درخواستوں پر سماعت کی۔

درخواست گزاروں کی طرف سے میاں علی اشفاق اور رانا عبدالمعروف ایڈووکیٹس عدالت کے رو بہ رو پیش ہوئے۔

ملزمان کے وکلا کی جنب سے مؤقف پیش کیا گیا کہ داتا دربارپولیس نے بلال یاسین کی ایماء پران کے بہنوئی کی مدعیت میں بے بنیاد مقدمہ درج کیا ہے۔

درخواست میں یہ مؤقف بھی اپنایا گیا کہ مقدمہ میں جان سے مارنے کی دھمکیاں دینے کا الزام عائد کیا گیا ہے۔ مدعی مقدمہ نے سیاسی اثر و رسوخ استعمال کر کے جھوٹا مقدمہ درج کروایا ہے۔

ملزمان کے وکلا نے عدالت سے استدعا کی کہ مقدمہ میں شامل تفتیش ہونے کیلئے عبوری ضمانت منظورکی جائے۔

یہ خبر بھی پڑھیں

سابق چیئرمین متروکہ وقف املاک بورڈ کی 2 مقدمات میں ضمانتیں منظورکرتے ہوئے جسٹس سید شہبازعلی رضوی لاہورہائیکورٹ نے آصف اختر ہاشمی کی ضمانت کی درخواستوں پر فیصلہ سنایا۔

درخواست میں مؤقف پیش کیا گیا کہ ایف آئی اے ملزم کیخلاف اختیارات کے ناجائز استعمال اور محکمے کو مالی نقصان پہنچانے کا مقدمہ درج کیا تھا۔

وکیل ملزم نے کہا کہ ایف آئی اے آج تک ملزم کیخلاف ایک بھی ثبوت ریکارڈ پر نہیں لا سکی۔ عدالت سے استدعا ہے کہ ملزم آصف اختر ہاشمی کی ضمانت پر رہائی کی درخواستیں منظور کی جائیں۔