لڑکی کے مبینہ اغوا کے مقدمے میں عدالت نے تین ملزمان کے ناقابل ضمانت وارنٹ  گرفتاری جاری کردیے۔ 

تفصیلات کے مطابق کراچی کی جوڈیشل مجسٹریٹ شرقی کی عدالت میں گلستان جوہر سے لڑکی کے مبینہ اغوا کے مقدمے میں اہم پیشرفت ہوئی۔ عدالت نے تینوں ملزمان راجہ، ندیم اور شمیم کے ناقابل ضمانت وارنٹ گرفتاری جاری کیے۔

عدالت نے ملزمان کو گرفتار کر کے 19 مئی تک پیش کرنے کا حکم دیا۔

لڑکی کے والدین نے مؤقف اختیار کیا کہ ہماری بارہ سالہ بچی کو اغوا کیا گیا۔ میری بیٹی کو ملزم ندیم، سلیم اوریاسین نے اغوا کیا۔

 ایڈووکیٹ منصور تھیبو نے عدالت کو بتایا کہ واقعے کا مقدمہ درج ہوئے ایک سال ہوگیا لیکن مغویہ بازیاب نہ ہو سکی۔

یہ خبر بھی پڑھیں 

انسداد دہشت گردی کراچی کی عدالت میں رکن قومی اسمبلی علی وزیر کی درخواست ضمانت پر سماعت ہوئی۔

عدالت میں پراسیکیوٹر پیش نہیں ہوئے، سماعت بغیر کسی کارروائی کے ملتوی کی گئی۔

علی وزیر کی درخواست ضمانت پر تیسری بارسماعت بغیر کسی کارروائی کے ملتوی ہوئی۔

قادرخان وکیل علی وزیرنے کہا کہ کبھی جج چھٹی پرہوتے ہیں تو کبھی پراسیکیوٹر بیمارپڑجاتا ہے۔  صرف تاخیری حربے استعمال کیے جا رہے ہیں۔

عدالت نے پراسیکیوٹر کی عدم  پیشی کے باعث مزید سماعت 26 مئی تک ملتوی کردی۔